U Minsku vyniesieny čarhovy prysud za padziei 14 lipienia: 22-hadovaha chłopca pakarali čatyrma hadami kałonii
16 studzienia ŭ sudzie Pieršamajskaha rajona ahučyli vyrak pa kryminalnaj spravie ŭ dačynieńni da 22-hadovaha Jaŭhiena Kalinoŭskaha.
Sudździa Maksim Trusievič pryznaŭ chłopca vinavatym pa č. 1 art. 342 i art. 364 Kryminalnaha kodeksa i pakaraŭ chłopca 4 hadami pazbaŭleńnia voli z nakiravańniem u papraŭčuju kałoniju ahulnaha režymu. A taksama vypłacić kampiensacyju maralnaj škody paciarpiełym amapaŭcam: Iharu Astapuku — 1000 rubloŭ, Alehu Baraznovu — 1500 rubloŭ, paviedamlaje spring96.org.
Nahadajem, Jaŭhiena Kalinoŭskaha vinavacili ŭ aktyŭnym udziele ŭ hrupavych dziejańniach, jakija hruba parušajuć hramadski paradak, i ŭ hvałcie ŭ dačynieńni da supracoŭnikaŭ milicyi padčas mirnaj akcyi pratestu 14 lipienia — u dzień, kali Viktaru Babaryku i Valeryju Capkału admovili ŭ rehistracyi kandydatami ŭ prezidenty.
Chłopiec svajoj viny nie pryznaŭ, ličyŭ, što nie parušaŭ hramadski paradak i hvałt da supracoŭnikaŭ milicyi nie ŭžyvaŭ, a sprabavaŭ spynić supraćpraŭnyja dziejańni ŭ adnosinach da hramadzianaŭ z boku paciarpiełych. Tym nie mienš, padčas pracesu jon paprasiŭ prabačeńnia ŭ paciarpiełych i častkova kampiensavaŭ naniesienuju jaho dziejańniami maralnuju škodu — pieraličyŭ pa 500 rubloŭ dźvium dziciačym ustanovam, jak taho žadali Ihar Astapuk i Aleh Baraznoŭ.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski28
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary