Łatvijskaja fiederacyja chakieja pra admienu ČS u Minsku: Inšaha vyjścia nie było
Rašeńnie Mižnarodnaj fiederacyi chakieja (IIHF) zabrać u Minska prava praviadzieńnia matčaŭ čempijanatu śvietu nie moža vyklikać radasnych emocyj, adnak u situacyi inšaha vyjścia nie było.
Takoje mierkavańnie TASS vykazaŭ hienieralny sakratar Łatvijskaj fiederacyi chakieja Viesturs Kazijołs.
U paniadziełak rada IIHF pazbaviła Biełaruś prava pryniać u 2021 hodzie matčy čempijanatu śvietu, jaki pavinien prajści z 21 maja pa 6 červienia ŭ Minsku i Ryzie. Zaraz usie matčy čempijanatu śvietu mohuć pieranieści ŭ Łatviju, jakaja pieršapačatkova pavinna była prymać turnir razam ź Biełaruśsiu.
«Ja nikoli nie radavaŭsia tamu, što ŭ kahości štości adabrali, ci to šakaład, ci ŭznaharodu abo čempijanat śvietu. Heta zaŭsiody drenna. Prosta da hetaha ŭsio išło. Na žal, u Biełarusi ciapier skłałasia niaprostaja situacyja, i jana šmathrannaja: havorka idzie ab takich pytańniach, jak biaśpieka, pravy čałavieka, karanavirus», — skazaŭ Kazijołs.
«Vielmi škada, što našy susiedzi i partniory stracili čempijanat śvietu, ale dumaju, inšaha vyjścia prosta nie było», — dadaŭ jon.
Nie vyklučana, što Łatvija prymie čempijanat śvietu sumiesna z Danijaj abo Słavakijaj. Rašeńnie pavinna być pryniata na praciahu dvuch tydniaŭ.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy11
Kamientary