Латвійская федэрацыя хакея пра адмену ЧС у Мінску: Іншага выйсця не было
Рашэнне Міжнароднай федэрацыі хакея (IIHF) забраць у Мінска права правядзення матчаў чэмпіянату свету не можа выклікаць радасных эмоцый, аднак у сітуацыі іншага выйсця не было.
Такое меркаванне ТАСС выказаў генеральны сакратар Латвійскай федэрацыі хакея Вестурс Казіёлс.
У панядзелак рада IIHF пазбавіла Беларусь права прыняць у 2021 годзе матчы чэмпіянату свету, які павінен прайсці з 21 мая па 6 чэрвеня ў Мінску і Рызе. Зараз усе матчы чэмпіянату свету могуць перанесці ў Латвію, якая першапачаткова павінна была прымаць турнір разам з Беларуссю.
«Я ніколі не радаваўся таму, што ў кагосьці штосьці адабралі, ці то шакалад, ці ўзнагароду або чэмпіянат свету. Гэта заўсёды дрэнна. Проста да гэтага ўсё ішло. На жаль, у Беларусі цяпер склалася няпростая сітуацыя, і яна шматгранная: гаворка ідзе аб такіх пытаннях, як бяспека, правы чалавека, каранавірус», — сказаў Казіёлс.
«Вельмі шкада, што нашы суседзі і партнёры страцілі чэмпіянат свету, але думаю, іншага выйсця проста не было», — дадаў ён.
Не выключана, што Латвія прыме чэмпіянат свету сумесна з Даніяй або Славакіяй. Рашэнне павінна быць прынята на працягу двух тыдняў.
-
У Турцыі падчас футбольнага матча мяч трапіў у чайку. Але загінуць птушцы не далі
-
Спецпрадстаўнік Пуціна пра фінал Алімпіяды: Зборная ЗША перамагла свой будучы 52‑і штат. Адзін з апошніх хакейных матчаў паміж ЗША і Канадай
-
Леброн Джэймс першым у гісторыі НБА набраў 43 000 балаў у рэгулярных чэмпіянатах
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары