Śviatłana Cichanoŭskaja vystupiła na anłajn-pasiadžeńni Rady Biaśpieki AAN
Temaj pasiadžeńnia stała svaboda ŚMI ŭ Biełarusi. Sustreča inicyjavanaja členami Savieta biaśpieki z Estonii, Francyi, Irłandyi, Narviehii, Vialikabrytanii i ZŠA.
Cichanoŭskaja kazała ab krytyčnaj situacyi ŭ Biełarusi i historyjach represavanych žurnalistaŭ, falsifikavanych kryminalnych spravach suprać miedyja, haładoŭcy Ihara Łosika. Heta druhoje pasiadžeńnie Rady Biaśpieki AAN z udziełam Cichanoŭskaj. Pieršaje było 4 vieraśnia, i tady jana zaklikała ŭvieści sankcyi suprać datyčnych da parušeńnia pravoŭ čałavieka ŭ Biełarusi i pryniać miery dla spynieńnia hvałtu.
Taksama na pasiadžeńni vystupić kiraŭnik NAU Pavieł Łatuška. Jon padkreślić važnaść pracy niezaležnych ŚMI, padtrymaje prapanovu ab uklučeńni Biełarusi ŭ aficyjny paradak dnia Rady Biaśpieki AAN i zakliča jaho členaŭ pryniać nieadkładnyja miery pa vyrašeńni biełaruskaha kryzisu.
Kamientary