Mikoła Kupava: Bieł-čyrvona-bieły ściah niepadsudny, heta pryznany narodam nacyjanalny simvał
Hienieralnaja prakuratura Biełarusi paabiacała pryznać bieł-čyrvona-bieły ściah ekstremisckaj simvolikaj. Nibyta idučy nasustrač «nieabyjakavym hramadzianam», jakija źviarnulisia ŭ heta viedamstva z adpaviednym chadajnictvam. «Narodnaja Vola» vyrašyła pacikavicca, jak da takoj inicyjatyvy stavicca Mikoła Kupava — aŭtar etałona dziaržaŭnaha bieł čyrvona-biełaha ściaha, pryniataha Viarchoŭnym Savietam u 1991 hodzie.
Jak možna zabaranić ściah, za jakim — stahodździ historyi? Pry čym tut niejkija niemcy, pry čym palicai? Upieršyniu bieł-čyrvona-bieły ściah źjaviŭsia na hraviury 1444 hoda! Na toj hraviury — bitva z turkami pad Varnaj, u jakoj taksama ŭdzielničali vojski VKŁ. Bieł-čyrvona-biełyja ściahi masava pakazany na słavutaj karcinie «Bitva pad Oršaj 1514 hoda». U 1917-m, jašče da abviaščeńnia BNR, vajskoŭcy-biełarusy byłoj carskaj armii ŭpryhožvali svaje mundziry bieł-čyrvona-biełymi stužkami i značkami. Tamu Kłaŭdzij Duž-Dušeŭski ŭ 1918-m, stvarajučy ściah dla BNR, ničoha nie vydumlaŭ, jon prosta ŭziaŭ pravierany stahodździami simvał. Pomniu, jak u 1990 hodzie ŭ Połacku ŭładyka Fiłaret pa našaj prośbie ŭračysta aśviaciŭ bieł-čyrvona-bieły ściah, jaki praz hod staŭ dziaržaŭnym. Bieł-čyrvona-biełyja pałoski, jakija simvalizujuć kroŭ Chrysta, abaviazkova prysutničajuć na jepiskapskim abłačeńni. Dyk što, Hienieralnaja prakuratura ciapier i Chrysta budzie sudzić?!» — skazaŭ jon.
Ciapier čytajuć
Čamu ŭłady maŭčać pra pryčyny razbureńnia doma ŭ Homieli i jakija jość viersii1
Kamientary