«Viarnuŭsia i zabraŭ jaje adzieńnie»: padrabiaznaści žorstkaha zabojstva niepaŭnaletniaj u Navapołacku
SK zaviaršyŭ rasśledavańnie spravy ab zabojstvie ŭ Navapołacku 16-hadovy dziaŭčyny, što zdaryłasia 11 červienia.
Cieła dziaŭčyny znajšli ŭ race, u zaraśnikach travy. Tady stała viadoma, što da zabojstva datyčny 20-hadovy mahiloviec, jaki ŭ Navapołacku byŭ u kamandziroŭcy.
Małady čałaviek paznajomiŭsia ź dziaŭčynaj u sacsietcy i ŭhavaryŭ sustrecca na haradskoj płoščy. Zajšli ŭ kramu, a potym vyrašyli adpačyć na bierazie Dźviny.
Kala raki chłopiec zhvałtavaŭ, źbiŭ dziaŭčynu, a kali jana pierastała padavać prykmiety žyćcia, adciahnuŭ cieła ŭ raku i pakinuŭ u zaraśnikach travy. Nazaŭtra viarnuŭsia da raki i sabraŭ u pakiet adzieńnie, a potym źjechaŭ u Mahiloŭ.
Śledčyja ŭžo tady zapadozryli zamiešanaść maładoha čałavieka, sprabavali ź im stelefanavacca, ale jon nie braŭ słuchaŭku.
Ale paśla viartańnia ŭ Mahiloŭ jon sam pryjšoŭ u SK z pryznańniem viny.
Spačatku chłopiec sprabavaŭ kazać ab pravałach u pamiaci, pryčynu svajoj ahresii patłumačyć nie moh. Vinu svaju jon taksama nie pryznavaŭ, arhumientujučy heta tym, što namieru na zabojstva nie było.
Adnak ekśpierty ŭstanavili, što dziaŭčyna pamierła ad traŭmatyčnaha šoku.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary