Minski aŭtamabilny zavod pradstaviŭ pieršy aŭtobus MAZ-203, ukamplektavany sałonnym ultrafijaletavym ačyščalnikam pavietra. Pra heta paviedamili ŭ pres-słužbie pradpryjemstva.
«Pakul heta ekśpierymientalny ŭzor. Paśla paśpiachovaha cykła vyprabavańniaŭ i abkatki na pradpryjemstvach «Minsktransa» takaja kamplektacyja zmoža stać apcyjnaj. Pa žadańni zakazčyka ačyščalnikam možna budzie abstalavać sałon luboj adzinki pasažyrskaj techniki», — adznačyli ŭ pres-słužbie.
Vysokatechnałahičny prybor śpiecyjalna dla Minskaha aŭtazavoda raspracavała ZAT «Ultramiedtech». Heta biełaruskaja kampanija bolš jak 20 hadoŭ vyrablaje abstalavańnie, zasnavanaje na vykarystańni UF-vypramianieńnia.
Partatyŭny ahrehat, ustalavany ŭ MAZ-203, źniščaje virusy, bakteryi, zmahajecca ź niepryjemnymi pachami, alerhienami i dymam na płoščy 12 kv. m, nie stvarajučy pahrozy dla žyćcia i zdaroŭja ludziej.
Dva niezaležnyja błoki pryłady mancirujucca ŭ sałonie aŭtobusa bieź źmien kanstrukcyi transpartnaha srodku, biez upłyvu na jaho estetyčny vyhlad i biez dyskamfortu kiroŭcu i pasažyram.
Kamientary