Makiej vykazaŭsia pra «biehłych škodnikaŭ», admovu ad niejtralitetu i bolšy handal z Rasijaj
Ministr zamiežnych spraŭ Uładzimir Makiej vystupiŭ na Usiebiełaruskim narodnym schodzie.
Makiej prapanavaŭ źmianić formułu ekspartu Biełarusi i pastaŭlać pałovu tavaraŭ na rynki krain JEAES.
Ministr ličyć, što ŭ sučasnych umovach metazhodna źmianić formułu ekspartu pa pryncypie «treć — treć — treć», kali pa tracinie pastavak prypadaje na Rasiju i na rynki JEAES, ES, a taksama krainy dalokaj duhi. Na jaho dumku, nieabchodna skancentravać pałovu ekspartu na rynkach JEAES, a astatniuju pałovu padzialić paroŭnu pamiž ES i krainami dalokaj duhi.
Taksama jon vykazaŭsia ab nieabchodnaści admovy ad niejtralitetu.
— Na moj pohlad, zamacavanaje ŭ Kanstytucyi imknieńnie Biełarusi da niejtralitetu nie adpaviadaje biahučaj situacyi. U sučasnym hłabalizavanym śviecie, praciatym internacyjanalizacyjaj, niejtralitetu ŭ jaho kłasičnym razumieńni nie isnuje, — padkreśliŭ jon, adznačyŭšy nieabchodnaść uličyć heta pry pracy nad papraŭkami ŭ Kanstytucyju.
— Ale paniaćcie šmatviektarnaści absalutna nie vyklučaje pieravahi niejkaha viektara, — upeŭnieny jon, padkreślivajučy važnaść vyznačeńnia pryjarytetaŭ. — U nas hetyja pryjarytety vypakutavanyja žyćciom. Rasija zaŭsiody była, jość i budzie našym stratehičnym partnioram.
Makiej nazvaŭ lidaraŭ apazicyi, jakija źjechali za miažu, «biehłymi škodnikami». «Jany ciapier prapanujuć «razumny ekanamičny cisk» pad vyhladam sankcyj, a što dalej? Razumnyja bomby? Biznesmienam prapanoŭvajecca adkupicca ad sankcyjnych śpisaŭ, pieravioŭšy hrošy ŭ bitkojnach». Skončyŭ svoj vystup słovami: «Biełaruś žyła i budzie žyć».
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja11
Kamientary