Kažuć, što zakonaprajekt pra zabaronu bieł-čyrvona-biełaha ściaha nakiravany ŭ parłamient. Ci praŭda heta?
Biełaruskija sajty i telehram-kanały pierapoščvajuć adkaz Hienieralnaj prakuratury adnamu ź jurystaŭ, u jakim havorycca pra bieł-čyrvona-bieły ściah. Robicca vysnova, što ŭ parłamient pieradali zakonaprajekt pra zabaronu ściaha. Davajcie raźbiracca.
«U Hienieralnaj prakuratury razhledžanaja vaša zajava pa pytańni ŭdziełu hramadzian va ŭdaskanaleńni zakanadaŭstva ab supraćdziejańni ekstremizmu. Jak paviedamlałasia vam raniej, vykładzienaje ŭ papiarednim zvarocie kalektyŭnaje mierkavańnie ab niedapuščalnaści pryznańnia bieł-čyrvona-biełaha ściaha ekstremisckaj simvolikaj Hienieralnaj prakuraturaj pryniata da viedama i ŭličana ŭ ramkach mierapryjemstvaŭ pa ŭdaskanaleńni zakanadaŭstva ab supraćdziejańni ekstremizmu. Na hety momant hetaja praca Hienieralnaj prakuraturaj zavieršanaja. Prajekt zakona «Ab źmianieńni zakonaŭ pa pytańniach procidziejańnia ekstremizmu» nakiravany dla dalejšaha ŭzhadnieńnia i adpaviednaj dapracoŭki ŭ Pałatu pradstaŭnikoŭ», — havorycca ŭ liście.
Błytanina ŭźnikła, tamu što prykładna ŭ hety čas Hienieralnaja prakuratura vyrašyła prysłuchacca da mierkavańnia 100 čałaviek na čale z kazakom Piatrom Šapko i prapanavała pryznać bieł-čyrvona-bieły ściah «ekstremisckim».
Čytajcie. Hienprakuratura: Bieł-čyrvona-bieły ściah pryznajuć ekstremisckim
Chto taki kazak Piatro Šapko, jaki sprabuje zabaranić bieł-čyrvona-bieły ściah?
Dla hetaha treba, kab kamisija pa vyjaŭleńni prykmietaŭ ekstremizmu na čale ź Lilijaj Ananič pryjšła da vysnovy, što ściah nasamreč ekstremiscki. Paśla luby z sudoŭ (zvyčajna prosta sud adnaho z rajonaŭ Minska) paćviardžaje jaje mierkavańnie. I z taho momantu ściah stanovicca ekstremisckim i, adpaviedna, zabaronienym. Padobnaja schiema była z zabaronaj telehram-kanała Ściapana Puciły.
Parłamient dla hetaj pracedury absalutna nie patrebny.
Čytajcie. Lilija Ananič moža ŭznačalić kamisiju pa vyjaŭleńni prykmiet ekstremizmu
Što ž za zakonaprajekt nakiravany ŭ Pałatu pradstaŭnikoŭ? U studzieni 2021 hienieralny prakuror Andrej Švied raskazvaŭ pra «błok prapanoŭ, źviazanych z uzmacnieńniem adkaznaści za ekstremizm i parušeńnie hramadskaha paradku». Hetyja prapanovy pavinny zaćviardžvacca parłamient.
Ci jość siarod idej Hienprakuratury zhadki pra bieł-čyrvona-bieły ściah, niezrazumieła. Tekst zakonaprajekta nie publikavaŭsia, nijakich dakładnych farmulovak u liście, jaki narabiŭ šumu, taksama niama.
Varta adznačyć, što padčas «Usiebiełaruskaha schodu» nivodzin z vystupoŭcaŭ nie zaklikaŭ da zabarony nacyjanalnaha ściaha.
Čytajcie. U adkaz na podpisy 100 čałaviek biełarusy sabrali 100 000 podpisaŭ suprać zabarony histaryčnaha ściaha
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu11
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2828
Kamientary