Pačaŭsia sud nad Viktaram Babarykam. Choć jon farmalna adkryty, na jaho mała kaho puścili

Pavialičyć

sb.by

Na sud nie puścili žurnalistaŭ niezaležnych ŚMI. Z telefonam i płanšetam u zału nie puskajuć. Techniku treba zdać na ŭvachodzie. Na sud puskajuć tolki svajakoŭ, astatnim na hanku tłumačać, što niama miescaŭ. Ludzi vielmi aburanyja.

Pavialičyć

Advakaty Viktara Babaryki zajavili advod sudździ Iharu Lubavickamu.

Sprava ŭ tym, što jaho žonka, Alaksandra Lubavickaja, źjaŭlajecca partnioram advakackaha biuro «Ahiejeŭ i partniory», druhi partnior biuro, Maksim Ahiejeŭ, u sudzie abaraniaje abvinavačanaha Viktara Kabiaka. Pa zakonie, damova zaklučajecca z advakackim biuro i srodki, jakija pastupili za akazańnie jurydyčnaj dapamohi, nakiroŭvajucca ŭ tym liku na vypłatu ŭznaharodžańnia partnioram advakackaha biuro. Atrymlivajecca, častka hrošaj, jakija pastupajuć u advakackaje biuro za jurydyčnuju dapamohu Kabiaku, moža nakiroŭvacca na vypłatu ŭznaharodžańnia Alaksandry Lubavickaj, partnioru biuro.

Vychodzić, sudździa Lubavicki akazvajecca ŭ situacyi, kali jaho žonka atrymlivaje materyjalnuju vyhadu za jurydyčnuju dapamohu hramadzianinu, čyje pakazańni i pazicyju pa spravie sudździa pavinien aceńvać u pracesie.

Sud chadajnictva nie padtrymaŭ.

Advakat Babaryki taksama paprasiŭ puścić u zału žurnalistaŭ niedziaržaŭnych ŚMI i pradstaŭnikoŭ internet-resursaŭ. Sudździa zajaŭlaje, što heta nie adnosicca da pradmieta sudovaha razboru, chadajnictva dałučajecca da materyjałaŭ kryminalnaj spravy.

Nastupnaje chadajnictva abarony Babaryki: źmianieńnie padabaronnamu miery strymańnia na chatni aryšt. Jon arhumientuje chadajnictva tym, što śledčyja dziejańni ŭžo nie pravodziacca, śledstva nie dakazała, što Babaryka moža źbiehčy, pieraškodzić śledstvu abo ździejśnić inšyja złačynstvy. Jon nie źjechaŭ z krainy, kali jašče byŭ na voli, a supracoŭnikaŭ Biełhazprambanka ŭžo zatrymlivali, źjaŭlaŭsia pa vykliku, u jaho dobraja bijahrafija, raniej nie parušaŭ zakon, jość pastajannaje miesca žycharstva, za jaho paručylisia piśmieńnik Śviatłana Aleksijevič, dyzajnier Uładzimir Ceśler, kiraŭnik fondu «šaniec» Natalla Machańko i jašče nie mienš za 30 čałaviek.

Sud razhledzieŭ chadajnictva i źmianić mieru strymańnia admoviŭsia.

Sud dazvoliŭ Viktaru Babaryku žestykulavać

«Viktar krychu schudnieŭ, štany zvalvajucca». Što adbyvajecca na sudzie nad Babarykam

https://nn.by/

***

Pa «spravie Biełhazprambanka» prachodziać vosiem fihurantaŭ. Viktar Babaryka abvinavačvajecca ŭ «admyvańni» srodkaŭ, atrymanych złačynnym šlacham, i atrymańni chabaru ŭ asabliva bujnym pamiery. Alaksiej Zadojka (były pieršy namieśnik staršyni praŭleńnia Biełhazprambanka), Kirył Badziej (v.a. staršyni praŭleńnia paśla sychodu Babaryki), Siarhiej Šaban (namieśnik staršyni praŭleńnia), Dźmitryj Kuźmič (namieśnik staršyni praŭleńnia), Alaksandr Iljasiuk (namieśnik staršyni praŭleńnia), Siarhiej Dabralot (były namieśnik staršyni praŭleńnia ) abvinavačvajucca ŭ atrymańni chabaru ŭ asabliva bujnym pamiery. Viktar Kabiak (zasnavalnik kampanii «Aktyŭlizinh») abvinavačvajecca ŭ davańni chabaru paŭtorna albo ŭ bujnym pamiery, piša Tut.by.

Pavialičyć

Z Badziejem, Dabralotam, Kuźmičom, Iljasiukom, Šabanom, Kabiakom zaklučany dasudovyja pahadnieńni ab supracoŭnictvie, Viktar Babaryka ŭ ich lik nie ŭvachodzić, tamu na papiarednim sudovym pasiadžeńni jaho nie było. Abvinavačanyja, jakija zaklučyli pahadnieńnie, zajavili ŭ sudzie, što pajšli na heta dobraachvotna i vykanali ŭsie ŭmovy.

Abaronu abvinavačanych ažyćciaŭlajuć bolš za dziesiać advakataŭ, siarod ich Hanna Kieler, Maksim Ahiejeŭ, Alaksandr Paŭłaviec, Siarhiej Bujakievič. Viktara Babaryku abaraniajuć Dźmitryj Łajeŭski i Natalla Mackievič.

Praces viadzie sudździa Ihar Lubavicki, jon pierajšoŭ u Viarchoŭny sud u kastryčniku 2020 hoda, raniej pracavaŭ u Minskim haradskim sudzie, viadomy pavodle «spravy Rehnuma», «spravy miedykaŭ», taksama sudziŭ błohiera Eduarda Palčysa. Dziaržabvinavaŭca — Siarhiej Hierhiel, jon viadomy pa «spravie miedykaŭ», dzie fihuravaŭ akademik Alaksandr Bialecki.

Pavodle viersii śledstva, Viktar Babaryka, budučy staršyniom praŭleńnia Biełhazprambanka, stvaryŭ ź liku svaich namieśnikaŭ arhanizavanuju hrupu z metaj sistematyčna atrymlivać chabar. Za 16 hadoŭ nabiehła suma bolš za 30 młn rubloŭ, u abvinavačvańni fihurujuć nastupnyja kampanii: TAA «Markonstroj», TAA «Pryvatlizinh», TAA «Sistemy apracoŭki infarmacyi», TAA «Pravavy dyjałoh», TAA «Aktyŭlizinh». Taksama adznačajecca, što Viktar Babaryka za sumu zvyš 1 młn rubloŭ kupiŭ nieruchomaść u Minsku, kab lehalizavać dachod, atrymany złačynnym šlacham.

Viktar Babaryka vinu nie pryznaŭ.

• 0
• 0
• 0
• 0
• 0
• 0
• 0
• 0