Prodažy biełaruskich adzieńnia i abutku ŭ Rasii mocna padajuć. U «Biellehpramie» patłumačyli čamu
Biełaruskija vytvorcy adzieńnia nazirajuć spad spažyvieckaj aktyŭnaści ŭ Rasii. Pra heta raskazała kiraŭnica kancerna «Biellehpram» Taćciana Łuhina ŭ intervju rasijskamu časopisu «Lehkaja promyšlennosť. Kuŕjer», zaŭvažyła vydańnie Office Life.
Taćciana Łuhina adznačyła, što biełaruskaje hatovaje adzieńnie, jak praviła, pastaŭlajecca na rynak Rasii.
«I sioleta my adznačajem jak nikoli vialiki spad aktyŭnaści. Kali kazać ščyra — kałasalny spad zacikaŭlenaści ŭ tavary luboha ŭzroŭniu i asartymientnych pazicyj. Tut supała šmat faktaraŭ. My heta bačym ź vieraśnia minułaha hoda, kali padniałasia staŭka rasijskaha Centrabanka», — zajaviła kiraŭnica «Biellehprama».
Jana dadała, što adzin z važnych momantaŭ — heta ŭviadzieńnie identyfikacyjnych kodaŭ sistemy «Sumlenny znak» na roznyja hrupy tavaraŭ, jakoje pieryjadyčna adbyvajecca ŭ Rasiei. Pavodle jaje słoŭ, «heta ŭsio vielmi ŭskładniaje». U vyniku «advaliłasia» vialikaja kolkaść aptovych i roźničnych kampanij, asabliva drobnych.
«U 2021 hodzie, kali ŭ Rasii ŭvodzili markiroŭku abutku, my dumali, što heta adbielić rasijski rynak i, adpaviedna, našym abutnikam budzie lahčej pracavać. Ale hety vopyt ni da čaho nie pryvioŭ. Kitajskija tavary apanavali ŭsio. Ja nazirała, jak u Rasii zakryvalisia abutkovyja fabryki, jakija vyrablali jakasnuju pradukcyju. Cełaja chvala bankructvaŭ mienavita abutnikoŭ. Heta prosta katastrofa! I ŭ nas ciapier taja ž prablema», — adznačyła Taćciana Łuhina.
Pry hetym jana padkreśliła, što ŭ Biełarusi, nakolki ŭdajecca, strymlivajuć pakidańnie rynku vytvorcami abutku, «tamu što pytańnie tyčycca biaśpieki krainy». Ale, pa jaje słovach, heta stanovicca rabić usio składaniej i składaniej.
Stylistka prakamientavała školnuju formu «Biellehprama» — a vam jak? ŠMAT FOTA
Łukašenka pieražyvaje, što na rynku Rasii «ŭsie topčucca», i choča handlavać ź ES. Voś jak ciapier vyhladaje situacyja ŭ zamiežnym handli
«Biellehpram» pradstaviŭ abutak «dla sapraŭdnych patryjotaŭ» Biełarusi
U abutkovaj kampanii «Biełviest» miljonnyja daŭhi i pytańnie zachavańnia pradpryjemstva
Ministr adukacyi pryznaŭ za baćkami prava kuplać školnuju formu dzie zaŭhodna
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary