Uciuryn naležyć da najmaładziejšaha pakaleńnia ludziej, što znachodziacca pobač z Łukašenkam. Razam z tym, Andrej Uciuryn absalutna nie vyłučajecca z ahulnaha šerahu biełaruskich siłavikoŭ, bolšaść ź jakich naradzilisia za miežami krainy.
Niekalki tydniaŭ tamu Alaksandr Łukašenka padpisaŭ ukaz ab «Ab dziaržaŭnaj achovie», jaki ŭraŭnavažvaje słužbu achovy prezidenta z KDB.
Padrychtoŭkaj i łabiravańniem zajmaŭsia kiraŭnik Słužby biaśpieki prezidenta Andrej Uciuryn. Pavodle novaha dakumienta, viedamstva Uciuryna atrymała zakonnaje prava pravodzić apieratyŭna‑vyšukovuju dziejnaść i stvarać padraździaleńni śpiecyjalnaha naznačeńnia. Nie apošniaja zasłuha ŭ stvareńni adnoj z najmacniejšych u śviecie słužbaŭ achovy kiraŭnika dziaržavy naležyć mienavita Andreju Uciurynu.
Hetaha łysavataha krepkaha mužčynu možna časta ŭbačyć pobač z Alaksandram Łukašenkam. Uciuryn supravadžaje Łukašenku ŭ zamiežnych kamandziroŭkach. Niaredka ŭ kadry televizijnikaŭ jon traplaŭ razam z budučym kiraŭnikom Administracyi prezidenta Uładzimiram Makiejem. Padčas zvarotu hałavy dziaržavy da narodu i parłamientu Uciuryn siadzieŭ pobač ź Viktaram Łukašenkam.
Uradženca Pienzy Andreja Uciuryna časta nazyvajuć novym čałaviekam u atačeńni kiraŭnika dziaržavy. Nasamreč heta nie zusim tak, choć publična jahonaje proźvišča i prahučała tolki ŭ lipieni 2007, kali 36‑hadovy padpałkoŭnik zamianiŭ Juryja Žadobina na pasadzie načalnika słužby biaśpieki prezidenta.
Tym nie mienš, pobač z Łukašenkam Uciuryn z hodu Haniebnaha refierendumu — z 1995‑ha, z 24 hadoŭ. Ci šmat chto ź ciapierašnich nabližanych da ŭłady ludziej mohuć pachvalicca niečym padobnym?
U 1992 hodzie Andrej Uciuryn skončyŭ Sarataŭskaje vyšejšaje vajskova‑kamandnaje vučylišča. A potym los zakinuŭ jaho ŭ Biełaruś. U pieršyja hady niezaležnaści jon zajmaŭ roznyja pasady ŭ sistemie MUS Biełarusi. Pa niekatorych źviestkach, słužyŭ i va ŭručanskim śpiecnazie 3214.
Zrešty, heta było tolki da toj pary, pakul na słužbu da siabie nie paklikaŭ Łukašenka. Možna tolki zdahadvacca, jakija jon tam zajmaŭ pasady i jaki prajšoŭ šlach. Vidavočna tolki, što ŭ takim rańnim uzroście Uciuryn pryjšoŭ nie na kiroŭnyja pasady.
Ale kali Uciuryn źmianiaŭ Žadobina, to ŭžo źjaŭlaŭsia kiraŭnikom upraŭleńnia asabistaj achovy Łukašenki
Uciuryn naležyć da najmaładziejšaha pakaleńnia ludziej, što znachodziacca pobač z Łukašenkam. Staršyni pamiežnaha kamitetu Iharu Račkoŭskamu — 40, namieśniku kiraŭnika Administracyi prezidenta Mikałaju Snapkovu — 40, Andreju Uciurynu — 38, pieršaj namieśnicy kiraŭnika Administracyi prezidenta Natalli Piatkievič — 37, hałoŭnamu ideołahu Usievaładu Jančeŭskamu — 33, stolki ž i samomu Viktaru Łukašenku. Stolki 30‑hadovych pobač z Łukašenkam nie było nikoli.
Razam z tym, Andrej Uciuryn absalutna nie vyłučajecca z ahulnaha šerahu biełaruskich siłavikoŭ, bolšaść ź jakich naradzilisia za miežami krainy. Radu biaśpieki ŭznačalvaje ŭradženiec Dnieprapiatroŭsku Jury Žadobin, KDB — jašče adzin syn aficera Savieckaj armii ŭradženiec Ukrainy Vadzim Zajcaŭ. Z Smalenščyny były ministr unutranych spravaŭ Uładzimir Navumaŭ, a jahony nastupnik Anatol Kulašoŭ naradziŭsia ŭ azierbajdžanskim Ali‑Bajramły. Darečy, adtul ža i ministr pa nadzvyčajnych stanoviščach Envier Baryjeŭ. Asiecin Jury Karajeŭ uznačalvaje śpiecnaz.
Uciuryn asabista naviedvaŭ kamiery turmy na Akreścina padčas padziejaŭ na Płoščy. Ludzi, što niejki čas pracavali ź im, charaktaryzujuć Uciuryna, jak «razumnaha i chitraha čałavieka».
Kamientary