Praŭładny telehram-kanał «Žoŭtyja źlivy», jaki śpiecyjalizujecca na palivańni brudam praciŭnikaŭ dziejnaj ułady, źmiaściŭ infarmacyju pra budučyniu bieł-čyrvona-biełaha ściaha.
Viadoma, nijakaha paćviardžeńnia hetamu niama, ale ŭličvajučy blizkaść kanała da siłavych struktur, možna mierkavać, što dymu biez ahniu nie byvaje.
Aŭtaram natatki źjaŭlajecca kałumnist «Sovietskoj Biełoruśsii» Juryj Cierachovič. Jon adkryta piša, što chacieŭ by, kab bieł-čyrvona-bieły ściah byŭ pryznany ekstremisckaj simvolikaj.
Ale, maŭlaŭ, zanadta składana budzie jurydyčna heta zrabić, uličvajučy, što simvał byŭ dziaržaŭnym ściaham.
Tamu nibyta budzie abrany inšy varyjant. Mała taho, što bieł-čyrvona-bieły ściah nie zabaroniać, dyk jaho jašče, chutčej za ŭsio, pryznajuć «kulturna-histaryčnaj kaštoŭnaściu».
Tym nie mienš, volna im karystacca budzie niaprosta. Čamu?
Bo siłaviki buduć traktavać ściah na vuličnych šeściach i mitynhach jak «vykarystańnie historyka-kulturnaj kaštoŭnaści ŭ ekstremisckich metach». Takuju farmuloŭku nibyta prapišuć u Kryminalnym kodeksie.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary