Nie taja kolkaść dźviarej — Dziaržstandart patłumačyŭ, čamu zabaraniŭ pradavać «Škodu Rapid»
Dziaržstandart prakamientavaŭ situacyju ź biełaruskim imparcioram Škoda. Kampanija prypyniła z 11 sakavika prodažy adnoj z samych pradavanych madelaŭ u svajoj liniejcy — Rapid.
U viedamstvie davodziać, što da «Škody» niama asablivaha staŭleńnia — prosta ładzili pravierku, jak i zvyčajna.
I raptam akazałasia, što z «Rapidam» šmat što nie tak. U adnym z dakumientaŭ było paznačana, što madel vypraboŭvałasia ź sistemaj dapamožnaha tarmažeńnia (BAS). A ŭ realnaści mašynu pradajuć bieź jaje.
«Akramia taho, na transpartnym srodku byli ŭstalavanyja fary dzionnaha śviatła, adroznyja ad paznačanych u dakumientach. Razychodžańni vyjaŭleny i ŭ źviestkach ab kolkaści dźviarej, ekałahičnym kłasie, inšych pakazčykach», — havorycca ŭ zajavie.
Tamu, maŭlaŭ, i zabaranili pradavać aŭtamabil.
Cikava, što ŭ studzieni Škoda — aficyjny hałoŭny sponsar čempijanataŭ śvietu — admoviŭsia spansiravać čempijanat śvietu pa chakiei, kali jon projdzie ŭ Biełarusi.
Kamientary