Kampanija Novavax prezientavała kančatkovyja vyniki kliničnych daśledavańniaŭ vakcyny ŭłasnaj vytvorčaści. Zhodna ź imi vakcyna prademanstravała svaju efiektyŭnaść suprać virusa Covid-19 i jaho brytanskaha štama, ale akazałasia mienš dziejsnaj suprać paŭdniovaafrykanskaha štama.
Hetaja infarmacyja ŭ asnoŭnym supadaje z pramiežkavymi vynikami daśledavańniaŭ, što byli pradstaŭlenyja ŭ kancy studzienia.
Vysnovy ekśpiertaŭ — dobry znak dla Novavax, bo kampanija sprabuje atrymać dazvoł ad uładaŭ na raspaŭsiud vakcyny. Taki dazvoł pavialičyć mahčymaści vybaru vakcyny dla krain, što śpiašajucca vakcynavać svaich hramadzian, ale majuć prablemy ź niedachopam vakcyn, piša The Wall Street Journal.
Hiendyrektar Novavax Stenli Erk paviedamiŭ: «Nas vielmi natchniaje toje, što padčas dvuch vypraboŭvańniaŭ vakcyna NVX-CoV2373 nie tolki całkam abaraniła ad samych ciažkich form chvaroby, ale i značna palehčyła chod chvaroby pry jaje lohkaj i siaredniaj formach ciažkaści».
Kampanija ŭžo zajmajecca płanavańniem raspaŭsiudžvańnia vakcyny ŭ Jeŭropie, ZŠA, Vialikabrytanii i Kanadzie.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ9
Kamientary