Čačenski śpiecnaz z hranatamiotami ŭ rukach paskardziŭsia Pucinu na niezaležnuju hazietu
Bajcy pałka imia Achmata Kadyrava pry MUS Čačni zapisali videazvarot da prezidenta Rasii Uładzimira Pucina z prośbaj źviarnuć uvahu na «napadki» «Novaj haziety» na adras členaŭ padraździaleńnia.
«Ja čužych listoŭ nie čytaju, telezvarotu ja nie bačyŭ. Pakolki ja nie źjaŭlajusia adrasatam hetaha lista, moj kamientar na hetym vyčarpany», — paviedamiŭ RBK hałoŭny redaktar «Novaj haziety» Dźmitryj Murataŭ.
Napiaredadni ŭ «varožaj dziejnaści» ŭ dačynieńni da «čačenskaha naroda» «Novuju hazietu» abvinavaciŭ ministr druku Čačni, pamočnik kiraŭnika respubliki Achmied Dudajeŭ. Jon zajaviŭ, što vydańnie zajmajecca «stvareńniem fejkaŭ» i zapatrabavaŭ začynić jaho.
Padstavaj dla hetaha stała rasśledavańnie «Novaj haziety» ab pazasudovych pakarańniach śmierciu, jakimi, pavodle źviestak vydańnia, zajmalisia čačenskija siłaviki. 15 sakavika vydańnie apublikavała apovied Sulejmana Hiezmachmajeva — byłoha supracoŭnika pałka patrulna-pastavoj słužby palicyi im. Achmata Kadyrava MUS pa Čačni. Pavodle jaho słoŭ, u 2017 hodzie jon asabista achoŭvaŭ zatrymanych, jakija paśla byli zabityja. Hiezmachmajeŭ taksama raspavioŭ pra svajho kalehu, jaki ŭdzielničaŭ u pakarańniach śmierciu i paviedamiŭ pra ich znajomamu. Pa słovach byłoha supracoŭnika palicyi, paśla hetych padziej kiraŭnictva pałka abvinavaciła jaho kalehu ŭ homaseksualiźmie, u kancy sakavika 2017 hoda jon byŭ zabity.
U dzień vychadu materyjału žurnalisty «Novaj haziety» paskardzilisia na rezki chimičny pach, jaki źjaviŭsia la ŭvachodu ŭ redakcyju vydańnia ŭ Maskvie. Paźniej redakcyja apublikavała videa, na jakim, jak śćviardžajecca, źniaty čałaviek, jaki raspyliŭ nieviadomaje rečyva.
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary