Cichanoŭskaja zajaviła pra zapusk ahulnanacyjanalnaha hałasavańnia za pieramovy z uładaj

Ludziej zaklikajuć prahałasavać u sistemie «Hołas», jak i ŭ žniŭni-2020.

— Kožny z vas viedaje, što ŭ krainie kryzis. I vyrašyć jaho my možam mirnym šlacham — praź pieramovy pry mižnarodnym pasiarednictvie. Pierad 25 sakavika my razam z Kaardynacyjnaj radaj, «Bajpoł», fondami salidarnaści i inšymi demakratyčnymi siłami, my zapuskajem vialikaje hałasavańnie na płatformie «Hołas». Naša z vami ahulnaja zadača — zrabić tak, kab prahałasavaŭ kožny adkazny biełarus — i tady ŭžo da Dnia Voli my ŭbačym pieršyja vyniki, — zajaviła Cichanoŭskaja.

Pa jaje słovach, pieramovy dapamohuć vyrašyć kryzis u krainie, pryčyna jakoha ŭ tym, što «ŭładu ŭtrymlivaje čałaviek, jaki prajhraŭ vybary».

— Jon admoviŭsia sychodzić z pasady, jon sprabuje kiravać krainaj z dapamohaj hvałtu i represij. I ciapier u nas zakryvajuć biznesy, ceny rastuć, a piensii i zarobki padajuć. Ź Biełarusi sychodziać inviestary i handlovyja partniory. A hałoŭnaje — u krainie nichto nie adčuvaje siabie biaśpiečna. U svaich damach ludzi ŭzdryhvajuć, kali čujuć šum za dźviaryma. I bajacca vykliku da načalstva, tamu što kožny raz čakajuć, što im nie padoŭžać kantrakt, — zajaviła Cichanoŭskaja.

Eks-kandydatka padkreśliła, što biełarusy vybirajuć nie zbroju, a niehvałtoŭny pratest i sumlenny hołas.

— I čym bolš hałasoŭ, tym hučniej dla ŭsiaho śvietu hučyć patrabavańnie vyrašyć kryzis mirna i biez novych achviar. Bo hołas za pieramovy — heta hołas za vyratavańnie sotniaŭ źniavolenych, jakija pakutujuć u turmie za svajo mierkavańnie. Heta krok da dziaržavy, dzie pavažajuć ludziej i ich pohlady. Dzie spraviadlivyja zarpłaty i ceny. I što vielmi važna — heta peŭny sihnał dla mižnarodnych partnioraŭ — da dziejańnia, — ličyć eks-kandydatka.

Hałasavańnie zapuskajecca, kab pravieści pieramovy «z tymi pradstaŭnikami režymu, jakija hatovyja dumać pra budučyniu i prymać stałyja rašeńni», a nie zaciahvać kryzis da poŭnaj katastrofy. Takija ludzi, pa słovach Cichanoŭskaj, jość.

Pieramovy buduć pradstaŭlać saboj sieryju sustreč na roznych uzroŭniach. Pierahavornyja hrupy roznych bakoŭ zmohuć vypracavać rašeńni, jak vyvieści krainu z kryzisu — nie dapuściŭšy novych achviar i nie składajučy tajemnych ździełak.

— Kab zrabić hetuju zajavu, ja siem miesiacaŭ pracavała z zamiežnymi palitykami i arhanizacyjami, raspaviadała ab realnaj situacyi ŭ Biełarusi i zaručyłasia padtrymkaj, źbirała mahutnuju, prafiesijnuju kamandu. Usie jany na našym baku. I pryjšoŭ čas skarystacca hetaj dapamohaj. Vašy hałasy dapamohuć nam damahčysia rašučych krokaŭ z boku mižnarodnych strukturaŭ — ABSIE i AAN. Jany hatovyja arhanizavać placoŭku i vystupić pasiarednikami, a taksama prymusić režym pajści na pieramovy, — miarkuje Śviatłana Cichanoŭskaja.

Kab prahałasavać nieabchodna ŭstalavać čat-bot płatformy «Hołas» abo adrazu prahałasavać, kali jon užo ŭstalavany. Hałasavańnie budzie ananimnym.

• 0
• 0
• 0
• 0
• 0
• 0
• 0
• 0