Staś Karpaŭ nazvaŭ Paźniaka «biazdušnym chłusam», a Sańnikava — «złaradnym trolem»
«Čuvak šmat hadoŭ, jak kaščejeva jajka, prasiadzieŭ u naftalinavaj skryncy. Napeŭna, jon šmat dumaŭ pra svoj stan i pierśpiektyvy. Pieražyvaŭ i niebiespryčynna pakutavaŭ. I tut. Raptam. Padzieja. Cichanoŭskaja źbiraje hałasy za niejkija tam pieramovy z uładami, — piša ŭ siabie ŭ fejsbuku Staś Karpaŭ. — I što ty robiš? Pišaš zadumienny post, u jakim miakka ŭkazvaješ na niesvoječasovaść ci bieśpierśpiektyŭnaść hetaha zaniatku? Ci, moža być, na pravach bolš daśviedčanaha dypłamata prapanuješ čałavieku, jaki na tvoj asabisty adras (jak i na adras luboha apazicyjnaha biełaruskaha palityka) ni razu nie dazvoliŭ sabie nijakaha chamstva, — niejkaje bolš pierśpiektyŭnaje prymianieńnie jahonamu elektaralnamu rejtynhu? Nie. Ty pościš katletki».
Nahadajem, što katlety ŭ siabie ŭ fejsbuku jak reakcyju na inicyjatyvu Śviatłany Cichanoŭskaj pa zbory podpisaŭ pad zvarotam da ŭładaŭ za mirnyja pieramovy ab źmienie sistemy zapościŭ eks-kandydat u prezidenty Andrej Sańnikaŭ. Paśla krytyki na svoj adras jon hety post vydaliŭ.
«To-bok ty sa svajoj naftalinavaj skryni chočaš pry dapamozie hetaj žalu vartaj fotki nie prosta vyskačyć, ale adrazu ŭziać takuju, — piša Staś Karpaŭ, — vyšyniu, ź jakoj možna plavać Cichanoŭskaj na samuju makaŭku».
Na dumku Karpava, «heta miarzotna. Siadzieć na svajoj biudžetnaj kanapie i sačyć za dramatyčnaj historyjaj padzieńniaŭ, ustavańniaŭ na kaleni, uzdymaŭ, novych padzieńniaŭ, pieraadoleńnia, staleńnia — kab paśla praz hubu namiaknuć, što ŭsia hetaja historyja — heta historyja čałavieka, jaki «lepiej by la plity stajaŭ»?» — aburajecca Karpaŭ.
«Kali ty źbiraŭsia nie tak daŭno być prezidentam dla ŭsich, abjadnać nacyju i kudyści tam jaje pavieści, a paśla skončvaješ karjeru biessaromnym, biazdušnym chłusam i paranoikam — jak Zianon Stanisłavavič, albo pošłym i złaradnym trolem — jak Andrej Alehavič, — to ci takaja ŭžo niespraviadlivaść zdaryłasia z taboj, raz tabie nie dali šanca? Dumaju, nie, — padsumoŭvaje Staś Karpaŭ. — Ni z Sańnikavym, ni z Paźniakom, prynamsi ŭ karmičnym sensie, nie zdaryłasia nijakaj niespraviadlivaści».
Čytajcie taksama: Staś Karpaŭ: Dla čaho byli ŭsie chadžeńni i što samaje važnaje dalej
Inicyjatyva Śviatłany Cichanoŭskaj pa zbory podpisaŭ pad zvarotam da ŭładaŭ za mirnyja pieramovy ab źmienie sistemy ŭ krainie vyklikała krytyku radykalnaj častki apazicyi, u tym liku eks-kandydata ŭ prezidenty Andreja Sańnikava i redaktarki «Chartyi-97» Natalli Radzinaj, jakija vystupajuć za bolš radykalnyja dziejańni, choć sami zastajucca za miažoju. U toj ža čas šyrokija koły hramadskaści ideju Cichanoŭskaj padtrymali. Za 4 dni zvarot padpisali bolš za 670 tysiač čałaviek — heta absalutny rekord dla padobnaha rodu palityčnych zvarotaŭ.
U svaju čarhu, łukašenkaŭcy adkazali na zvarot Cichanoŭskaj chvalaj ačarnieńnia, a taksama błakavańniem sajta płatformy «Hołas», na bazie jakoj adbyvajecca zbor podpisaŭ. Pry hetym zabłakavać staronki «Hołasu» ŭ telehramie i vajbiery ŭ łukašenkaŭcaŭ techničnaj mahčymaści niama.
Čytajcie taksama: Staś Karpaŭ: Niama prostaha adkazu na pytańnie, jak i čamu Łukašenka sydzie
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary