Pieršym pradmietam budzie biełaruskaje mova, ruskaja - druhim. I pryčyna nie ŭ małočnaj vajnie :).
15 červienia ŭ Biełarusi pačynajecca centralizavanaje testavańnie ŭ miežach ustupnaj kampanii.
Pavodle infarmacyi Respublikanskaha instytuta kantrolu viedaŭ, 15 červienia projdzie testavańnie pa biełaruskaj movie. Pa ruskaj movie — 16 červienia, historyi Biełarusi — 18 červienia, hieahrafii — 19 červienia, matematycy — 21 červienia, hramadaznaŭstvie — 21 červienia, suśvietnaj historyi — 25 červienia, fizicy — 26 červienia, bijałohii — 28 červienia, zamiežnych movach (anhlijskaja, niamieckaja, ispanskaja, francuzskaja) — 30 červienia,chimii — 1 lipienia.
Kab być dapuščanym da CT, zarehistravany abituryjent pavinien pakazać pašpart abo daviedku, jakaja jaho zamianiaje.
Pačatak centralizavanaha testavańnia pa ŭsich pradmietach — 11.00. Testavańnie budzie pravodzicca na bazie 74 navučalnych ustanoŭ, u tym liku 32 — u Minsku.
Dla abituryjentaŭ, jakija nie ŭdzielničali CT pa ŭvažlivych pryčynach, ustanoŭleny reziervovy dzień — 6 lipienia.
Pierarehistravacca dla ŭdziełu ŭ CT u reziervovy dzień možna budzie z 25 červienia pa 2 lipienia ŭ Bresckim dziaržaŭnym techničnym univiersitecie, Hrodzienskim dziaržaŭnym univiersitecie imia Janki Kupały, Viciebskim dziaržaŭnym technałahičnym univiersitecie, Homielskim dziaržaŭnym techničnym univiersitecie imia Suchoha, Biełaruska-Rasijskim univiersitecie i Biełaruskim dziaržaŭnym univiersitecie.
Nahadajem, sioleta ŭpieršyniu siertyfikaty CT buduć vydavacca ŭsim abituryjentam sa stanoŭčym bałam, što zaklikana pavialičyć ich šansy na pastupleńnie ŭ vyšejšyja i siarednija navučalnyja ŭstanovy.
Dla ŭdziełu ŭ CT u hetym hodzie zarehistravalisia bolš jak 175 tys. čałaviek.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ21
Kamientary