Pinievič: Łavinapadobnaha rostu kavidu niama. Ale nam nie padabajecca apošni mieteaprahnoz
Ab hetym paviedamiŭ žurnalistam ministr achovy zdaroŭja Dźmitryj Pinievič, piša BiełTA.
«My adznačajem charakternyja prykmiety pačatku novaha epidemičnaha ŭzdymu. Ale temp pryrostu kolkaści chvorych nie taki, jak byŭ vosieńniu. Niama pakul łavinapadobnaha rostu, ale nam nie vielmi padabajecca apošni mieteaprahnoz»,- - skazaŭ Dźmitryj Pinievič.
Jon rastłumačyŭ, što z-za daždžoŭ ludzi buduć vymušanyja bolš znachodzicca ŭ zakrytych pamiaškańniach.
Razam z tym u paraŭnańni z papiarednimi chvalami temp pryrostu pacyjentaŭ, jakija špitalizujucca ŭ stacyjanary ź siaredniaj i ciažkaj formami COVID-19, vyšejšy, čym tych pacyjentaŭ, jakija zastajucca lačycca na ambułatornym etapie. U suviazi z hetym ministr źviarnuŭ uvahu na važnaść zachavańnia rekamiendavanych mier: masačny režym, fizičnaje dystancyjavańnie.
Što da respublikanskaha subotnika 17 krasavika, jon budzie prachodzić na adkrytym pavietry, tamu Minzdaroŭja nie bačyć nijakaj pahrozy. Pry hetym ministr źviarnuŭ uvahu na važnaść zachavańnia supraćepidemičnych mier.
Siońnia ministr pryščapiŭsia rasijskaj vakcynaj «Sputnik V», vypuščanaj na «Biełmiedpreparatach».
-
Ruku minčanki zaciahnuła ŭ ciestaraskatvałku: vyzvalać žančynu daviałosia z dapamohaj bienzareza
-
Zamiest štrafu za samahon — kryminalnaja sprava: na Słuččynie žančyna raśpichała chabar pa kišeniach učastkovym pakul jaje zdymali na kamieru
-
Vajskoŭcy źbili jak minimum adzin bieśpiłotnik 26 lutaha nad Homielem
Kamientary