Za słovy «pazyŭny: «dryšč» pad fota milicyjanta dali dva hady chatniaj chimii
U sudzie Centralnaha rajona Minska vyniesieny prysud 30-hadovamu Dźmitryju Čachutu. Jaho pryznali vinavatym pavodle 369 artykuła KK i asudzili da dvuch hadoŭ chatniaj chimii. Taksama sud abaviazaŭ spahnać z abvinavačanaha 1000 rubloŭ maralnaj škody na karyść paciarpiełaha, paviedamlaje spring96.org.
Dźmitryja Čachutu pryznali vinavatym ŭ tym, što jon abraziŭ adnaho supracoŭnika orhanaŭ unutranych spraŭ. Dźmitryj raźmiaściŭ u adnym z telehram-kanałaŭ tekst pad kałažom: «Pozyvnoj dryŝ».
Ekśpiert Julija Papko ŭ śniežni 2020 hoda pryznała słova «dryŝ» nienarmatyŭnym, «kali my aceńvajem asobu», adznačyŭšy, što pravodziła acenku z ulikam arfahrafičnaj pamyłki: pravilny varyjant napisańnia słova — «driŝ». Pavodle ekśpiertyzy, u słovie «dryŝ» majecca niehatyŭnaja acenka taho rabotnika.
Jaje ekśpiertyzu paćvierdziŭ i pradstaŭnik kiravańnia dziaržkamiteta sudovych ekśpiertyz pa Bresckaj vobłaści Dźmitryj Klujeŭ.
Dźmitryj Čachuta pryznaŭ vinu. Jon dapuściŭ, što kamientar moh abrazić, adnak adznačyŭ, što na toj momant nie razumieŭ, što paciarpieły źjaŭlajecca supracoŭnikam unutranych spraŭ. Jon nie čytaŭ kamientary da fotazdymka, a moh tolki mierkavać, što hetaja asoba mahła być supracoŭnikam AMAP, bo ŭ kanale raźmiaščalisia ich źviestki. Dźmitryj Čachuta adznačyŭ, što čałaviek na fotazdymku byŭ chudy, mienavita tamu jon tak i napisaŭ. Ale ŭsprymaje kamientar vyklučna žartoŭnym: jon adnosiŭsia da ŭsioj hrupy ludziej, jakich raźmiaścili na kałažy.
Abvinavaŭca Arciom Ćviatkoŭ skazaŭ, što fraza abraziła honar i hodnaść jak kankretnaha paciarpiełaha, tak i supracoŭnikaŭ unutranych spraŭ u cełym. Na dumku prakurora, «złačynstva ździejśniena pa matyvach palityčnaj i ideałahičnaj varožaści», i heta abciažvajučaja akaličnaść.
Prakuror prasiŭ pakarać abvinavačanaha dvuma hadami chatniaj chimii. U vyniku sudździa ahučyła taki prysud: dva hady chatniaj chimii i tysiača rubloŭ kampiensacyi maralnaj škody na karyść paciarpiełaha.
U apošnim słovie Čachuta padkreśliŭ, što ŭśviadomiŭ svoj učynak i prosić prabačeńni.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary