TASS siońnia pacikaviŭsia reakcyjaj MZS Biełarusi na zajavy litoŭskaha boku ab mahčymaj akredytacyi pasła ZŠA Džuli Fišer u Litvie.
Sajt biełaruskaha zamiežnapalityčnaha viedamstva pryvodzić słovy pres-sakratara viedamstva Anatola Hłaza.
«My, ščyra kažučy, na hety kont nie majem nijakaj aficyjnaj infarmacyi, a zajavy roznych litoŭskich asob apošnim časam nastolki šmatlikija i supiarečlivyja, što abapiracca na ich niejak niesurjozna. Budzie bolš jasnaści — možna budzie kazać bolš pradmietna».
«Adnak akademična, prafiesijna nam nie zusim zrazumieła navat, ab čym moža iści havorka, ab jakoj akredytacyi? Čysta hipatetyčna, kali heta akredytacyja pasła ŭ MZS Litvy, to značyć u Litvie budzie dva pasły ZŠA, jakija buduć pradstaŭlać tam amierykanskija intaresy. Całkam vidavočna, što pasoł, jaki znachodzicca ŭ Litvie, nijakaha dačynieńnia da Biełarusi nie moža i nikoli nie budzie mieć», — skazaŭ Anatol Hłaz.
21 krasavika namieśnik ministra zamiežnych spraŭ Litvy Mantas Adamienas paviedamiŭ, što pryznačany Vašynhtonam u Minsk pasoł ZŠA Džuli Fišer, jakaja nie atrymała biełaruskuju vizu, moža być akredytavanaja ŭ Vilni.
Raniej Adamienas paviedamiŭ, što Vilnius atrymaŭ zvarot ZŠA da litoŭskaha ŭrada z prośbaj akredytavać pasła ŭ Litvie. Pa jaho słovach, aficyjny adkaz rychtujecca. Jon dadaŭ, što Vilnius stanovicca «važnaj stalicaj pa pracy ź Minskam», bo tam znachodzicca šmat mižnarodnych arhanizacyj, jakija nie mohuć vieści dziejnaść u Biełarusi, a taksama štab lidara biełaruskaj apazicyi Śviatłany Cichanoŭskaj.
U aŭtorak kiraŭnik biełaruskaha MZS Uładzimir Makiej zajaviŭ, što Biełaruś hatovaja pryniać pasła ZŠA, ale choča mieć vyraznuju i zrazumiełuju pierśpiektyvu dalejšaha ŭzajemadziejańnia z amierykanskimi partniorami pa ŭsich napramkach. Jon vykazaŭ ździŭleńnie ŭ suviazi z zajavami Fišer, u toj čas jak Vašynhton nie daŭ vyraznaha adkazu adnosna taho, u jakim statusie jana maje namier prybyć u Biełaruś.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza3
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary