«Dva razy — nie»: Kreml adchryściŭsia ad acenki ziacia Jelcyna nakont situacyi ŭ Biełarusi
Acenki daradcy prezidenta Rasii na hramadskich pačatkach Valancina Jumašava situacyi ŭ Biełarusi, dadzienyja im u intervju, nie majuć dačynieńnia da aficyjnaj pazicyi Kramla, zajaviŭ pres-sakratar prezidenta Dźmitryj Piaskoŭ, piša RBK.
Havorka idzie ab frahmiencie intervju Jumašava vydańniu Forbes. «U 1994 hodzie na vybarach pieramahaje Łukašenka. I paśla hetaha ŭ Biełarusi vybary skončylisia. Praz 26 hadoŭ narod aźviareŭ i vyjšaŭ na vulicy», — skazaŭ u im Jumašaŭ.
Pradstaŭnika Kramla spytali, ci supadaje heta pradstaŭleńnie z pazicyjaj Uładzimira Pucina i ci viedaje prezident ab takim punkcie hledžańnia svajho daradcy.
«Dva razy — nie. Heta nijakim čynam nie maje nijakaha dačynieńnia da punktu hledžańnia prezidenta i da aficyjnaj pazicyi Rasii», — zajaviŭ Piaskoŭ.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary