Pieršy numar «PrajdziCvieta» – šviedski stoł dla amataraŭ zamiežnaj litaratury.
Pierakładčyk – machlar i ašukaniec. Namahańniami navučencaŭ «Biełaruskaha Kalehiuma» i «Pierakładnickaj majstroŭni» ŭ Siecivie źjaviŭsia časopis «PrajdziCviet», adrasavany tym, chto choča zapisacca ŭ šerahi takich projdaŭ, jakija «badziajucca pa śviecie, usio šukajuć niečaha, imknucca zrazumieć, a tady, jak u rodnuju miaścinu zavitajuć, to apaviadajuć, što bačyli, što čuli…» To bok dla taho, chto cikavicca spravaj pierakładu zamiežnaj litaratury na biełaruskuju movu.
Pieršy numar «PrajdziCvieta» – šviedski stoł dla amataraŭ zamiežnaj litaratury: apaviadańni zvyšpapularnaj u siabie doma polki Volhi Takarčuk, i aŭtara chulihanskaha ramanu «Depieš Mod» ukrainca Siarhieja Žadana, zaciemki i vieršy amierykancaŭ: skandalnaha Čarlza Bukoŭski i aŭtara ramanu «Bajcoŭski kłub» Čaka Pałaniuka, a taksama pjesa švajcarca Frydrycha Dziurenmata, viadomaha ramanam «Justycyja».
Padobnych vydańniaŭ u Biełarusi pakul nie było - chiba časopis pierakładaŭ na ruskuju, «Vsiemirnaja litieratura», jaki da taho ž maje nieŭzabavie źniknuć jak niezaležnaje vydańnie. Adna ź inicyjatarak stvareńnia časopisu Julija Cimafiejeva, pierakładnica z anhielskaje, kaža: «My pačali rabić naš «PrajdziCviet», bo adčuli niastaču takoha časopisa pierakładaŭ i časopisa dla pierakładčykaŭ».
Ale «PrajdziCviet» nie tolki vydańnie ź jakasna abiełarušanaj litaraturaj. Vydaje, navat nasupierak ułasnym manifiestam, stvaralniki časopisa nie źbirajucca chavacca ŭ cieni aŭtara. U časopisie jość raździeły, zroblenyja vyklučna da patrebaŭ pierakładnika: spasyłki na razmaityja słoŭniki i elektronnyja adrasy litaraturnych tekstaŭ. Da taho ž, isnuje forum, dzie tłumačy zmohuć abmierkavać składanaści pierakładu. Starejšaje pakaleńnie ŭ asobie Vasila Siomuchi, pierakładčyka «Biblii» i «Faŭsta», daje maładziejšym majsta-kłasu ŭ formie intervju. Pierakładčyk Lavon Barščeŭski ličyć, što ŭ našaj litaratury nie staje takoj śpiecyfičnaj rečy, jak krytyka pierakładaŭ, i spadziajecca, što hety prabieł choć trochi zapoŭnić «PrajdziCviet».
Časopis maje vychodzić što try miesiacy.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ17
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary