Bolš za 180 čałaviek paciarpieli ŭ vyniku sutyknieńniaŭ pamiž palestyncami i izrailskimi palicejskimi kala miačeci Al-Aksa ŭ Ijerusalimie, piša VVS.
Sutyknieńni adbylisia na Chramavaj hary ŭ Ijerusalimie ŭ piatnicu ŭviečary. Palestyncy pasprabavali zakidać palicejskich kamianiami. U adkaz tyja ŭžyli humovyja kuli i ślezaciečny haz. Na miescy zdareńnia byŭ razhornuty palavy špital Čyrvonaha Paŭmiesiaca, kab akazać pieršuju dapamohu paranienym.
Miačeć Al-Aksa — adna z najbolš šanavanych śviatyń isłamu, raźmieščanaja ŭ sercy staroha Ijerusalima. Tut taksama znachodzicca śviatoje miesca dla iŭdziejaŭ — Chramavaja hara.
Heta miesca časta stanovicca ahmieniem hvałtu, što i adbyłosia na hety raz paśla taho, jak tysiačy musulman pryjšli siudy ŭšanavać apošniuju piatnicu śviatoha miesiaca Ramadan.
Izrailskaja palicyja zajaviła, što ŭžyła siłu, kab «navieści paradak» i ŭcichamiryć tysiačy viernikaŭ, jakija ŭčynili tut biesparadki paśla viačerniaj malitvy.
Pradstaŭnik Al-Aksa praz repraduktary, ustanoŭlenyja ŭ miačeci, zaklikaŭ spynić sutyknieńni. «Palicyja pavinna pierastać kidać śviatłošumavyja hranaty, maładyja ludzi pavinny supakoicca i pierastać šumieć!» — cytuje jaho słovy ahienctva Reuters.
Pavodle słužby ekstrannaj dapamohi palestynskaha Čyrvonaha Paŭmiesiaca, 88 paleścincaŭ byli dastaŭleny ŭ balnicu paśla traplańnia ŭ ich humovych kul ź mietaličnym pakryćciom. Izrailskaja palicyja zajaviła ab ranieńni šaści supracoŭnikaŭ orhanaŭ biaśpieki.
Napružanaść ŭzmacniłasia ŭ suviazi z pahrozaj vysialeńnia palestynskich siemjaŭ z rajona Šejch Džarach va Uschodnim Ijerusalimie (paviedamlałasia, što raniej tam taksama ŭspychnuli biesparadki). U paniadziełak Viarchoŭny sud Izraila praviadzie słuchańnie pa hetaj sudovaj spravie.
AAN źviarnuŭsia da Izrailu z prośbaj admianić lubyja prahramy vysialeńnia i prajavić strymanaść u prymianieńni siły suprać pratestoŭcaŭ.
Izrail akupavaŭ Uschodni Ijerusalim paśla šaścidzionnaj vajny 1967 hoda. Jon taksama pretenduje na niepadzielny Ijerusalim u jakaści svajoj stalicy (choć mnohija krainy heta nie padtrymlivajuć). Palestyncy spadziajucca, što Uschodni Ijerusalim stanie budučaj stalicaj stvoranaj imi niezaležnaj dziaržavy.
Kamientary