U Homieli mužčynu zatrymali i buduć sudzić paśla ŭdziełu ŭ Zoom-kanfierencyjach z Capkałam
U Homieli zatrymali i buduć sudzić 32-hadovaha miascovaha žychara. Padstavaj dla zatrymańnia staŭ «udzieł mužčyny ŭ telehram-kanałach i čatach», a taksama razmovy «ŭ apazicyjnych zakrytych videakanfierencyjach», źviartaje ŭvahu Tut.by sa spasyłkaj na UUS.
Na hamialčanina skłali administracyjnyja pratakoły za drobnaje chulihanstva i niepadparadkavańnie milicyi. Da suda mužčynu adpravili ŭ IČU. Akramia hetaha, jamu vynieśli «aficyjnaje papiaredžańnie ab niedapuščalnaści zaniatku ekstremizmam».
Sam 32-hadovy Alaksandr u roliku, źniatym milicyjaj, kaža, što ŭvosień 2020 hoda ŭdzielničaŭ u Zoom-kanfierencyi, dzie vystupaŭ Valeryj Capkała: «Było cikava, tamu što ja taksama ajcišnik». Taksama jon kaža, što ŭdzielničaŭ u Zoom-kanfierencyi z udziełam Volhi Karač.
Mužčyna kaža, što prytrymlivajecca niejtralnych pohladaŭ. Na pytańnie, ci pryznaje jon siabie vinavatym, adkazvaje: «U čym? Kali ŭ tym, što hladzieŭ televizar, to pryznajusia».
Kamientary