Taćciana Sieviaryniec miarkuje, što sud nad Paŭłam i aktyvistami «Jeŭrapiejskaj Biełarusi» budzie iści dva tydni
Sud pačaŭsia ŭ Mahilovie 12 maja i prachodzić u zakrytym režymie. Na łavie padsudnych — siamiora palitviaźniaŭ, jakich vinavaciać za ŭdzieł abo arhanizacyju masavych biesparadkaŭ: Pavieł Sieviaryniec, Jaŭhien Afnahiel, Pavieł Juchnievič, Maksim Viniarski, Andrej Vojnič, Źmicier Kazłoŭ i Iryna Ščasnaja.
Svajakoŭ na sud nie puskajuć. Mamie Paŭła Taćcianie Sieviaryniec udałosia sustrecca chiba sa staršynioj abłasnoha suda Iharam Praško, jaki zajaviŭ, što rašeńnie ab razhladzie kryminalnych spravaŭ u zakrytym režymie prymała sudździa Iryna Łančava. Jon paraiŭ svajakam palitviaźniaŭ «nabracca ciarpieńnia», piša «Radyjo Racyja».
«Ja jamu skazała: «Moj syn ničoha nie parušaŭ! Vy sami viedajecie, chto parušyŭ i chto pavinny znachodzicca ŭ hetaj zale!»
Jon moŭčki z apuščanymi vačyma mianie vysłuchaŭ i kaža: «Treba paciarpieć. Da kanca sudovaha pracesu. My budziem apieratyŭna, my budziem imknucca jak najchutčej razabrać hetuju spravu».
Pavodle pieršaj infarmacyi, niedzie tydni dva buduć razhladać», — miarkuje Taćciana Sieviaryniec.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary