17-hadovy palitviazień z Homiela Mikita Załataroŭ zajaviŭ, što bolš nie vytrymaje ŭ adzinočcy
Palitviazień Mikita Załataroŭ, jakomu 12 maja spoŭniłasia 17 hadoŭ, siońnia byŭ «pieraarestavany» dla praviadzieńnia śledčych dziejańniaŭ u ramkach raspačataj u dačynieńni da jaho druhoj kryminalnaj spravy. Mikitu abvinavačvajuć u napadzie na supracoŭnika SIZA, paviedamlajuć «Mocnyja naviny».
Baćki Mikity paviedamlajuć, što ŭ čakańni afarmleńnia pracedury novaha aryštu ich syna ciaham doŭhaha času pratrymali ŭ aŭtazaku. «Padletka vahoj 50 kh achoŭvali čaćviora vielizarnych siłavikoŭ», — skazaŭ baćka Mikity Michaił.
Pieradać jamu ježu i vadu nie dazvolili. Baćki adznačajuć, što vyhladaje Mikita vielmi blednym i schudniełym, jaho samaadčuvańnie z času apošniaha spatkańnia vidavočna pahoršyłasia.
Kali prakuror afarmlaŭ aryšt, Mikita zadaŭ jamu pytańnie: «Čamu ja siadžu ŭ kamiery adzin?»
Ale adkazu jon nie atrymaŭ.
Advakat Mikity paraiŭ baćkam napisać zajavu ŭ prakuraturu z nahody ŭtrymańnia ich syna ŭ «adzinočcy», spasłaŭšysia na toje, što, vierahodna, prakuratury nie viadoma pra hety fakt.
Pahavaryć z synam baćkam nie dazvolili. Mikita paśpieŭ tolki skazać im, što bolš nie moža tryvać: kali zastaniecca adzin u kamiery — jon nie vytrymaje.
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku va ŭbitaj kvatery kala zvałki ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary