5 červienia na stadyjonie «Dynama» pavinien prajści vystavačny matč pamiž «Zorkami futboła Biełarusi» i «Zorkami Jeŭropy». Hulnia prymierkavanaja da 110-hodździa biełaruskaha futboła, a taksama budzie svojeasablivymi pravodzinami na piensiju Alaksandra Hleba.
Z boku zorak Jeŭropy miarkujecca ŭdzieł pieramožcy ŁČ u składzie «Portu» Edharasa Jankaŭskasa, niemca Kievina Kurańji, čecha Tomaša Rasicki, partuhalca Piedru Miendeša, charvata Jurycy Urańješa.
Z boku Biełarusi abiacajuć udzieł Alaksandra Chackieviča, Siarhieja Karnilenki, Cimafieja Kałačova, Maksima Ramaščanki.
«Trybuna» źviarnułasia da biełaruskich futbalistaŭ z prośbaj prakamientavać udzieł u matčy. Siarhiej Štaniuk zajaviŭ, što spačatku pahadziŭsia, a potym vyrašyŭ admovicca.
«Abjektyŭna da mianie dajšło, što ŭ ciapierašniaj situacyi ŭ krainie rabić takoje… Heta pazicyja luboha narmalnaha čałavieka. Jakija zaraz hulni?» — miarkuje Štaniuk.
A voś u najlepšaha ŭ historyi bambardzira zbornaj Maksima Ramaščanki inšaja pazicyja.
«Pa-pieršaje, ja nie viedaju, jakaja situacyja ŭ vas u krainie, bo ja žyvu ŭ inšaj krainie [Rasii]. Pačniom z hetaha. Pra što idzie havorka, ja pakul naohuł nie razumieju».
— Vy nie čuli, jak u Biełarusi presujuć ludziej za hramadzianskuju pazicyju, jak ich chapajuć na vulicach?
— Nie razumieju, ab čym idzie havorka, ab jakich zatrymańniach. Nie viedaju, što adbyvajecca ŭ vas u krainie.
— Naohuł nie sočycie?
— Za palityčnym składnikam nie saču ni za adnoj z krain. Palityka mianie nie cikavić uvohule.
(…) Naohuł, jak nam zaŭsiody kazali, sport treba adździalać ad palityki. Tamu navat kali ŭ vas tam takaja situacyja, ź niejkimi zatrymańniami, to pry čym tut sport? Choć ciapier u sučasnym śviecie ŭsio tak pierakuliłasia.
— Nie dumajecie, što moža być niehatyŭnaja reakcyja z boku zaŭziataraŭ u dačynieńni da ŭdzielnikaŭ matču? Ci śvist na trybunach abo paviedamleńni hulcam?
— Ja naohuł pra heta nie dumaju, mnie heta niecikava, što buduć kryčać zaŭziatary. Ja pryjazdžaju da svaich siabroŭ, ź imi ŭbačusia, sustrenusia. Pahulaju na futbolnym poli na novym stadyjonie, vaźmu ŭdzieł u spartyŭnym śviacie. A što buduć kryčać [zaŭziatary], jakaja palityčnaja situacyja ŭ vas u krainie — mnie heta prosta biez roźnicy. Ja jedu na futboł, na sport.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta11
Kamientary