Zhodna z materyjałami kryminalnaj spravy Mikałaj Dziadok na praciahu niekalkich hadoŭ administravaŭ radykalny telehram-kanał, dzie raźmiaščaŭ roznyja materyjały, nakiravanyja na destabilizacyju abstanoŭki ŭ krainie, štučnaje nahniatańnie napružanaści i supraćstajańnia ŭ hramadstvie, raspaŭsiudžvańnie ideałohii ekstremizmu. Takim čynam ździajśniaŭ dziejańni, nakiravanyja na pryčynieńnie škody nacyjanalnaj biaśpiecy Biełarusi, piša SK.
Dziadku vystavili abvinavačvańnie pa:
— č. 1 art. 342 (Aktyŭny ŭdzieł u dziejańniach, jakija hruba parušajuć hramadski paradak i spałučajucca ź vidavočnym niepadparadkavańniem zakonnym patrabavańniam pradstaŭnikam ułady, što paciahnuła parušeńnie pracy transpartu);
— č. 2 art. 361 (Raspaŭsiud materyjałaŭ, jakija źmiaščajuć zakliki da ździajśnieńnia dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś, z vykarystańniem hłabalnaj sietki Internet);
— č. 1 art. 295-3 (Niezakonnyja dziejańni ŭ dačynieńni da pradmietaŭ, dziejańnie jakich zasnavana na vykarystańni haručych rečyvaŭ).
Mikałaj Dziadok byŭ zatrymany ŭ listapadzie.
Kamientary