27 sakavika na prahułcy niechta kryknuŭ «Žyvie Biełaruś!», Mikoła padtrymaŭ i za heta atrymaŭ 9 sutak karcara, paviedamlajuć pravaabaroncy.
Apošni čas amal kožny dzień na Vaładarku prychodzić pravierka. Praviarajuć, kab aryštanty dniom nie spali, kab nie visieli nidzie ručniki i inšaja drobiaź.
Padtrymać Mikołu listami i paštoŭkami: SIZA-1. 220030, h. Minsk, vuł. Vaładarskaha, 2, Mikałaj Alaksandravič Dziadok.
Mikołu Dziadku 32 hady, jon syn eks-sudździ Minskaha abłasnoha suda Alaksandra Dziadka.
U 2010 hodzie byŭ zatrymany paśla napadu na pasolstva Rasii ŭ Minsku. Byŭ fihurantam «spravy anarchistaŭ», prysudžany da 4,5 hadoŭ źniavoleńnia. Vinu nie pryznaŭ, admoviŭsia padpisvać prašeńnie ab pamiłavańni na imia Alaksandra Łukašenki. Atrymaŭ dadatkovy hod źniavoleńnia za «złosnaje niepadparadkavańnie patrabavańniam administracyi». Vyzvaleny ŭ 2015 hodzie razam ź Mikołam Statkievičam i inšymi palitviaźniami.
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary