Dabratvor paśla vyjezdu ź Biełarusi: Mnie prapanoŭvali pracavać na novym praŭładnym sajcie, jaki zamienić Tut.by
Žurnalist i palityčny aktyvist Illa Dabratvor na minułym tydni pakinuŭ Biełaruś, ciapier jon znachodzicca ŭ Varšavie.
U kamientary «NN» jon raskazaŭ pra pryčyny emihracyi, a taksama ab prapanovie, ad jakoj było ciažka admovicca.
«Ja pajšoŭ pracavać na budoŭlu, bo treba niejak vyžyvać. Pracuju na restaŭracyi ŭ centry Varšavy. Kali źjechaŭ, to ciapier mahu havaryć, što chaču. Kali b u mianie nie było dziaciej, to ja b moh zastacca i iści da kanca, ale ja abraŭ dziaciej i ich budučyniu. Pakul Łukašenka nie sydzie, ja dakładna nie viarnusia.
Ułady ciapier rychtujuć resurs, jaki pavinien zamianić Tut.by. Mnie prapanavali tam pracu, ja nie admaŭlaŭsia, bo źbiraŭsia źjechać ź Biełarusi. Nie budu kazać, chto mienavita prapanoŭvaŭ, ale heta adzin z praŭładnych ekśpiertaŭ. Kali ja kazaŭ, što chaču źjechać, mnie pačali pahražać, što nie daduć heta zrabić. Ułada chacieła, kab ja pracavaŭ na ich.
U mianie byli tolki niekalki varyjantaŭ: albo pačynać pracavać na ich, albo źjazdžać, albo sadzicca ŭ turmu. Mnie nie davali pracavać žurnalistam, dzie b ja ni źjaŭlaŭsia, mianie zatrymlivali. Mianie vykinuli z prafiesii, nie davali mahčymaści zarablać hrošy.
Jany kapali na mianie za ŭdzieł u masavych mierapryjemstvach. Ja kažu, što pracavaŭ jak žurnalist, ale im pofih… Mnie dali try dni. Ja za sutki zrabiŭ vizu i źjechaŭ, inakš by ja siadzieŭ.
Spadziajusia adkryć jutub-kanał. Tyja, chto zastajucca ŭ Biełarusi, ciapier pavinny nie vysoŭvacca, a my, chto ŭ biaśpiecy, budziem ich hołasam. Nie treba ž padstaŭlać ludziej.
Zrablu majku «Svabodu Vaskrasienskamu», jaho zachapili ŭ zakładniki. I ŭsio, što jon kaža, treba ŭsprymać jak słovy čałavieka, u jakoha pistalet la skroni. Ale jon spadziajecca choć niejak uvajści ŭ historyju».
Čytajtie taksama:
Žurnalist Illa Dabratvor ź piaćciu dziećmi źjechaŭ ź Biełarusi
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary