Kampanija Facebook apublikavała dakład, dzie śćviardžajecca, što Rasija čaściej za ŭsio maje dačynieńnie da apieracyj pa dezynfarmacyi.
Z 2017 hoda sacsietka vyjaviła na svajoj płatformie dezynfarmacyjnyja kampanii bolš čym u 50 krainach. Ahułam u dakładzie pieraličvajecca 150 apieracyj pa dezynfarmacyi, jakija kampanii ŭdałosia spynić, piša The Washington Post.
Facebook padkreślivaje, što za apošnija hady takija apieracyi stali bolš vytančanymi i darahimi, choć aŭdytoryja dla ich skaraciłasia. Adroźnić dezynfarmacyju ad sapraŭdnaj palityčnaj dziejnaści z kožnym hodam stanovicca ŭsio bolš składana.
Čaściej za ŭsio kampanii pa dezynfarmacyi raspačynajuć firmy, jakija zajmajucca čornym pijaram. Taksama ŭ padobnych apieracyjach mohuć udzielničać palityki, marhinalnyja hrupy i navat urady.
U 2017 hodzie Facebook vyjaviŭ maštabnuju apieracyju, padčas jakoj rasijskaje Ahienctva internet-daśledavańniaŭ padvierhła 126 miljonaŭ karystalnikaŭ palityčnaj dezynfarmacyi pierad vybarami 2016 hoda. Paśla hetaha incydentu kampanija šmat inviestuje ŭ słužbu kantrolu: jana naniała bolš za 10 tysiač maderataraŭ kantentu i ekśpiertaŭ u hetaj halinie, a taksama stvaryła ałharytmy dla pošuku niepažadanaj infarmacyi.
Viadučymi krainami pa dezynfarmacyi ŭ sacsietcy stali Rasija, Iran, Mjanma, ZŠA i Ukraina.
Achviarami dezynfarmacyi čaściej za ŭsio stanoviacca ZŠA, Ukraina, Vialikabrytanija, Livija i Sudan.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary