«U rečyščy padryŭnych namahańniaŭ». U MZS Ukrainy adreahavali na prapanovu Łukašenki kałoć ukraincam «Sputnik»
Śpikier Ministerstva zamiežnych spraŭ Ukrainy Aleh Nikalenka prakamientavaŭ zajavu Alaksandra Łukašenki adkryć dla ŭkraincaŭ na miažy punkty vakcynacyi ad karanavirusa preparatam «Sputnik V». Nikalenka rascaniŭ hetu prapanovu jak padryŭnuju.
Pradstaŭnik MZS Ukrainy skazaŭ, što infarmacyja ab mahčymaści adkryćcia punktaŭ vakcynacyi pakul što hučyć na ŭzroŭni ŚMI. Da ŭkrainskaha boku nie pastupała nijakich aficyjnych listoŭ. U MZS nahadali, što rasijskaja vakcyna nie ŭvachodzić u pieralik preparataŭ, jakija zaćvierdziła Ministerstva achovy zdaroŭja Ukrainy, tamu pryvivać joju zabaroniena.
Bolš za toje, rasijskaja vakcyna i razmovy pra jaje źjaŭlajucca elemientam hibrydnaj vajny suprać Ukrainy. U pryvatnaści, takoj moža być i zajava Łukašenki, ličyć Nikalenka.
«Usie sproby ŭvieści «Sputnik» va ŭkrainski dyskurs raniej paciarpieli paražeńnie. My nie vyklučajem, što paviedamleńnie ab punktach vakcynacyi na miažy z Ukrainaj iduć u rečyščy takich padryŭnych namahańniaŭ», — skazaŭ śpikier MZS krainy.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary