Novaja prablema ŭ śviecie elektroniki — hadžety roznych kampanij nie pracujuć razam
Ci možna vypravić situacyju?
Dvaccać hod tamu, kab pasłuchać muzyku, treba było prajhrać dysk na płejery. Da jaho, zrazumieła, možna było padklučyć navušniki luboha brenda. Ciapier dla miljonaŭ ludziej va ŭsim śviecie hetyja kampanii zamianiła adna — Apple. U jaje isnujuć kankurenty, ale z kožnym hodam im usio składaniej prapanoŭvać svaje pasłuhi na roŭnaj asnovie.
Z hetymi źmienami my zhubili funkcyjanalnuju sumiaščalnaść techniki — zdolnaść hadžetaŭ roznych brendaŭ pracavać razam. Takaja sumiaščalnaść prajaŭlajecca, naprykład, praz ahulnyja dla hadžetaŭ farmaty abo praz mahčymaść dla roznaj techniki pracavać razam. Funkcyjanalnaja sumiaščalnaść dazvalaje vykarystoŭvać lubyja navušniki ź lubym płejeram abo, naprykład, kupić novy televizar, nie dumajučy pra toje, ci budzie jon pracavać ź inšymi chatnimi devajsami, tłumačyć Guardian.
Baraćba za funkcyjanalnuju sumiaščalnaść hadžetaŭ była ciažkaj. Naprykład, u svoj čas, kab prahledzieć tekstavy dakumient, treba było mieć na kampjutary nie tolki tuju samuju prahramu, u jakoj jon byŭ stvorany, ale i pravilnuju viersiju toj samaj prahramy. Siarod takich prahram była i MS Word. Na praciahu dziesiacihodździaŭ kampanija Microsoft nie žadała pradastaŭlać kankurentam danyja, jakija dazvolili b prahladać fajły farmatu.doc na inšych devajsach. Usio źmianiłasia z pačatkam ery mabilnych telefonaŭ.
Ale ciapier situacyja znoŭ pahoršyłasia. Uziać, naprykład, hadžety marki Apple. Karystalnik ajfona słuchaje muzyku praz prahramu Apple Music z dapamohaj navušnikaŭ Apple AirPods, i navušniki inšaha brenda buduć pracavać z ajfonam tolki pry dapamozie śpiecyjalnaj pryłady. Abmien danymi pamiž mabilnymi dadatkami taksama robicca bolš ciažkim.
Mahčyma, źmieny ŭ zakanadaŭstvie dapamohuć śvietu viarnucca da funkcyjanalnaj sumiaščalnaści hadžetaŭ. Abjadnańnie «Kaalicyja za spraviadlivaść dadatkaŭ» nakiroŭvaje skarhu ŭ Jeŭrakamisiju z patrabavańniem da Apple dać bolš svabody karystalnikam. Amazon, Facebook i Google vystupajuć adkazčykami ŭ anałahičnych pracesach.
Narešcie, niekatoryja źmieny ŭ pazityŭnym kirunku ŭžo adbyvajucca. U krasaviku Facebook pašyryŭ mahčymaści pieranosić danyja z hetaj sacyjalnaj sietki na inšyja płatformy, i ciapier možna pieranosić tekstavyja pasty z Facebook u Google Docs.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary