Łukašenka zabraŭ dziaržaŭnyja premii ŭ dvuch daktaroŭ-ankołahaŭ
Unikalnaja źjava: pavodle ŭkaza Alaksandra Łukašenki pierahledžany śpis łaŭreataŭ Dziaržaŭnaj premii za 2020 hod.
U novym ukazie, apublikavanym 21 červienia 2021 hoda na Nacyjanalnym pravavym internet-partale, paznačana, što z papiaredniaha ŭkaza za 18 studzienia 2021 hoda treba prybrać dvanaccaty i trynaccaty abzacy.
U tych abzacach pieraličvajucca łaŭreaty Dziaržaŭnaj premii. Na žal, nie da kanca zrazumieła, jak mienavita ličyć tyja abzacy.
Dakładna premii pazbaviŭsia namieśnik dyrektara RNPC ankałohii Viktar Kachniuk.
Nakont druhoj asoby jość roznačytańni. Heta moža być albo zahadčyk łabaratoryi tarakalnaj ankapatałohii RNPC ankałohii i Viktar Malkievič, albo namieśnik dyrektara «Vystavačny centr «Akvabieł» Aleh Sukonka (raniej jon byŭ dyrektaram RNPC ankałohii). Sukonka — jašče i člen Savieta Respubliki.
Aleh Sukonka. Fota: Maksim Śližeŭski, TUT.BY
Čytajcie taksama. Sienatar, ankołah Aleh Sukonka pra Karanika: «Heta pieršaradny demahoh, jaho pryviała Kačanava»
Usie daktary miedycynskich navuk atrymali premiju za «novyja mietady dyjahnostyki i lačeńnia ankałahičnych zachvorvańniaŭ u darosłych i dziaciej». Čamu ŭ ich zabirajuć premii, nie tłumačycca.
Ciapier čytajuć
Žonku adnaho z hałoŭnych turemščykaŭ Biełarusi pasadzili ŭ kałoniju za ŭdzieł u pratestach3
Kamientary