Vypusknicu jurfaka, jakaja vystupiła na ŭručeńni dypłoma z zapaminalnaj pramovaj, zatrymali
Vypusknicu jurfaka BDU Kaciarynu Vińnikavu, jakaja vystupiła na ŭručeńni dypłoma z zapaminalnaj pramovaj, zatrymali. Heta «Našaj Nivie» paćvierdziła jaje siabroŭka.
«Ciapier jana ŭ Leninskim RUUS. Pa jakim artykule, nieviadoma. U internacie ŭ jaje byŭ vobšuk ci ahlad, zabrali noŭtbuk».
Paźniej źjaviłasia aficyjnaje paviedamleńnie ad milicyi.
«U internecie raspaŭsiudžvajecca infarmacyja ab zatrymańni studentki. Dziaŭčyna źjaviłasia ŭ terytaryjalnaje ŭpraŭleńnie ŭnutranych spraŭ Minska dla razboru. Ciapier pravodzicca pravierka», — havorycca ŭ paviedamleńni.
Dziaŭčyna zajšła ŭ RUUS prykładna a 13.20, kažuć jaje blizkija. Pa stanie na 23:30 suviazi ź joj pa-raniejšamu niama, pa miescy žycharstva jana taksama nie źjaviłasia.
Nahadajem, padčas uručeńnia dypłomaŭ studentka jurfaka BDU sa sceny padziakavała palitviaźniu — jurystu Maksimu Znaku i zvolnienym vykładčykam.
«Nizki pakłon Alenie Uładzimiraŭnie Łajeŭskoj, Novikavaj Kaciarynie Viktaraŭnie, Alaksieju Ivanaviču Sacharčuku, Basałaj Alenie Ivanaŭnie, Maksimu Alaksandraviču Znaku.
Dziakuj za toje, što svaim prykładam pakazali, chto taki juryst i što takoje prava!» — skazała jana.
Šmat čamu navučycca možna było taksama jašče ŭ niadaŭnich studentaŭ, a ciapier maładych pierśpiektyŭnych jurystaŭ. Naprykład, takuju mahčymaść daje mutkort-ruch, va ŭdzielnikaŭ jakoha na słychu imiony samych talenavitych jurystaŭ Ksienii Viačasłavaŭny Łapućka, Illi Saleja, Ksienii Filipovič, mnohich inšych vypusknikoŭ jurfaka i FMA.
…
I pamiatajcie, kali łaska, usie, chto źbirajucca pracavać jurystami abo pracuje jurystami: prava — heta mastactva dabra i spraviadlivaści. A dabro, rozum i čałaviečaja hodnaść u sukupnaści zaŭsiody pieramahajuć».
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1919
Kamientary