Viačorka: da sustrečy ź Cichanoŭskaj hiendyrektar Yara išoŭ z rašeńniem zastavacca ŭ Biełarusi
Daradca Cichanoŭskaj Franak Viačorka adznačyŭ, što «rašeńnie Yara pierahladzieć supracu z «Biełaruśkalijem» — mocny i niepryjemny sihnał režymu».
«Na sustreču sa Śviatłanaj Cichanoŭskaj hiendyrektar išoŭ z hatovym rašeńniem zastavacca ŭ Biełarusi (sankcyi pakul Yara nie zakranuli), — kaža Franak Viačorka. — Zajava, jakaja źjaviłasia ŭ vyniku składanych i nie samych pryjemnych pieramovaŭ, istotna adroźnivajecca ad pazicyi, ahučanaj za dzień da taho ŭ narviežskich ŚMI».
Arhumienty Yara: abaviazalnictvy pierad partniorami, jakija zakupili pradukcyju napierad, niemahčymaść prypynić kantrakt časova (tolki spynić i nie viarnucca na hady), prośby niezaležnych prafsajuzaŭ i niekatorych pravaabarončych arhanizacyjaŭ zastacca.
Cichanoŭskaja pieradała dakumient z chronikaj represijaŭ za apošnija miesiacy i paprasiła zamarozić supracu zaraz.
«U vyniku Yara paabiacała pierahladzieć kantrakt z «Biełaruśkalijem» u najbližejšyja miesiacy. Spadziajomsia, heta adbudziecca raniej za śniežań», — padsumoŭvaje Viačorka.
Yara — najbujniejšy suśvietny vytvorca ŭhnajeńniaŭ. Biełaruskaja kalijnaja kampanija źjaŭlajecca adnym ź dzieviaci jaho klučavych pastaŭščykoŭ. Baki pracujuć pa piacihadovych kantraktach. Za 11 miesiacaŭ 2020 hoda vyručka skłała 66 młn dalaraŭ.
Ciapier čytajuć
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć6
Kamientary