Kiraŭnik Bresckaha abłvykankama — BPC: My raźličvajem, što śviatary buduć danosić viernikam abjektyŭnuju situacyju
U Bresckim abłvykankamie ŭ aŭtorak padpisali prahramu supracoŭnictva z Bresckaj i Pinskaj jeparchijami Biełaruskaj pravasłaŭnaj carkvy na 2021-2025 hady. Svaje podpisy pad dakumientam pastavili staršynia Bresckaha abłvykankama Juryj Šulejka i archijepiskap Brescki i Kobrynski Iaan i archijepiskap Pinski i Łuniniecki Stefan, piša BiełTA.
«Zaŭsiody ŭ biełaruskaj dziaržavy, urada byli samyja ciopłyja, ščyryja adnosiny z duchavienstvam. Ja mahu skazać ab poŭnym uzajemarazumieńni pamiž uładaj i ijerarchami BPC u Bresckaj vobłaści. Zvyčajna carkva pa-za vialikaj palityki, ale jana blizkaja da sercaŭ svaich viernikaŭ.
Tamu my raźličvajem, što našy śviatary buduć danosić viernikam abjektyŭnuju situacyju, tłumačyć, što ŭ hety niaprosty čas nieabchodna padtrymać krainu. Dumaju, naša dalejšaje ŭzajemadziejańnie daść plonny vynik», — adznačyŭ Juryj Šulejka.
Archijepiskap Pinski i Łuniniecki Stefan, u svaju čarhu zaŭvažyŭ:
«My vykazvajem całkam padtrymku mirnych imknieńniaŭ našaha naroda i hatovyja dapamahčy ŭ likvidacyi ŭsich povadaŭ i pryčyn, jakija mohuć vyklikać novyja kanflikty. Bo dla nas, carkoŭnych ludziej, vajna źjaŭlajecca hrubym i złačynnym skryŭleńniem chryścijanskaj viery».
«My nie pavinny dzialić narod na «naš» i «vaš». Jon u nas adzin, hetak ža, jak i Ajčyna. Našy ludzi pracujuć na dziaržaŭnych pradpryjemstvach i chodziać u carkvu. Vierym, što padpisanaja siońnia prahrama budzie dobrym układam u duchoŭnaje i materyjalnaje raźvićcio našaha hramadstva», — dapoŭniŭ Uładyka Iaan.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary