Kryścina Cimanoŭskaja vyrašyła źmianić spartovaje hramadzianstva: jana płanuje vystupać za Polšču
Pra heta jana zajaviła ŭ intervju RBK.
«My zaraz budziem sprabavać pamianiać spartovaje hramadzianstva, kab ja mahła vystupać za zbornuju Polščy. Umovy źmieny spartovaha hramadzianstva — heta karancin, jaki doŭžycca try hady. Ale my budziem prasić, kab dla mianie jaho skaracili, tamu što davoli nieadnaznačnaja situacyja. My nie płanavali mianiać spartovaje hramadzianstva, ale tak skłałasia situacyja, heta vymušanaja miera. Ja pryniała rašeńnie zastacca ŭ Polščy i vystupać za zbornuju Polščy», — skazała Cimanoŭskaja.
Spartoŭka taksama zajaviła, što zmoža viarnucca na radzimu, tolki kali budzie ŭpeŭnienaja, što tam biaśpiečna. «Navat kali ja budu vystupać za zbornuju Polščy, heta nijak nie pieraškodzić mnie pryjechać dadomu da baćkoŭ, sustrecca ź imi, źjeździć u lubimyja miescy ŭ Minsku. Kali ja źmianiu spartovaje hramadzianstva, to budu pradstaŭlać Polšču, ale Biełaruś — heta ŭsio roŭna moj dom, ja budu viartacca tudy znoŭ i znoŭ», — adznačyła jana.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii13
Kamientary