Hiensakratar ADKB: Kali abiacańni talibaŭ pa baraćbie z narkatrafikam buduć vykonvacca, heta možna vitać
Hienieralny sakratar ADKB Stanisłaŭ Zaś na bryfinhu pa vynikach praviedzienaj siońnia ŭ videafarmacie pazačarhovaj siesii Savieta kalektyŭnaj biaśpieki ADKB prakamientavaŭ abiacańnie lidaraŭ ruchu «Taliban» zmahacca z narkabiznesam u Afhanistanie.
«Žyćcio pakaža, nakolki možna vieryć hetym abiacańniam, — skazaŭ Stanisłaŭ Zaś, adkazvajučy na adpaviednaje pytańnie. — Choć, viadoma, my pamiatajem tyja časy, kali «Taliban» kiravaŭ Afhanistanam, i ŭ tyja hady, viadoma ž, narkatrafik z terytoryi Afhanistana byŭ źnižany vielmi istotna: pa roznych acenkach — ad 6 da 10 razoŭ. Kali ciapier hetyja abiacańni buduć vykonvacca, viadoma, heta možna tolki vitać. Spadziajomsia, što jany buduć vykonvacca», — cytuje słovy Zasia BiełTA.
«Ale razam z tym jość aściarohi — kali nie buduć znojdzienyja inšyja krynicy dachodaŭ u kiraŭnictva «Talibana», to my ŭbačym niekalki inšuju situacyju i realnaść. Ale ja ŭsio-tki spadziajusia, što taja palityka, jakaja pravodziłasia «Talibanam» pa baraćbie z narkotykami, budzie realizavana i ŭ ciapierašni čas», — dadaŭ hienieralny sakratar ADKB.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ15
Kamientary