Na novym fakultatyvie školnikaŭ navučać, jak hałasavać na vybarach i što takoje svaboda słova
Ministerstva adukacyi zaćvierdziła prahramu fakultatyvaŭ dla školnikaŭ 3-8 kłasaŭ. Źjavicca kurs pa pravach čałavieka. Dziaciej pavinny navučyć krytyčna myślić, raskažuć im pra demakratyčnyja pravy i svabody.
Paśla prachodžańnia prahramy školniki pavinny viedać:
— źmiest paniaćciaŭ, źviazanych z pravami čałavieka;
— čamu dziaržava parušaje pravy čałavieka;
— historyju vybitnych pravaabaroncaŭ.
Školnikaŭ musiać paznajomić z paniaćciem «pravaabaronca» i sfarmiravać «kaštoŭnasnaje staŭleńnie» da ich.
Rašeńnie Ministerstva adukacyi vyhladaje dziŭnym na fonie rekordnaha parušeńnia pravoŭ čałavieka ŭ Biełarusi. Znakavyja pravaabaroncy, jakija bolš za 20 hadoŭ adstojvali pravy biełarusaŭ, ciapier za kratami — Aleś Bialacki, Valancin Stefanovič, Leanid Sudalenka, Uładź Łabkovič.
Taksama školnikam patłumačać paniaćci «ŭłasnaje mierkavańnie» i «svaboda słova». Tym časam za kratami ŭ Biełarusi znachodzicca 29 palitviaźniaŭ, jakija pracavali ŭ niezaležnych miedyja.
Aproč taho, dzieci pavinny zasvoić, jak pracujuć vybary. U rekamiendacyjach jość prapanova dyskusij na temu taho, chto maje być starastam kłasa i na jaki termin jaho treba abirać.
Nahadajem, što ŭ novym navučalnym hodzie taksama źjavicca fakultatyŭ pa asnovach pravasłaŭnaj kultury. Aproč taho, u kožnaj škole buduć pracavać vajennyja kiraŭniki, ź ich dapamohaj ułady raźličvajuć pavialičyć patryjatyzm u školnikaŭ.
Ciapier čytajuć
U Łahojsku piekar admaŭlajecca pradavać svoj chleb pakupnikam, u jakich jość sabaki77
Kamientary