Biełaruś pačnie atrymlivać kampiensacyju za padatkovy manieŭr u Rasii z kanca hoda
Biełaruś pačnie z kanca hetaha hoda atrymlivać kampiensacyju vydatkaŭ u suviazi z realizacyjaj u naftavaj śfiery Rasii padatkovaha manieŭru, zajaviŭ pasoł Biełarusi ŭ Maskvie Uładzimir Siamaška, piša Interfaks.
«U nastupnym hodzie, navat z kanca hetaha hoda pačynajecca peŭnaja kampiensacyja», — zajaviŭ Siamaška žurnalistam u Varoniežy, kamientujučy situacyju ź pieramovami ab kampiensacyi strat biełaruskaha boku.
Miž tym pasoł nie staŭ raskryvać sutnaść damoŭlenaściaŭ z Rasijaj u hetaj śfiery. «Źjavicca dakumient — usio zrazumiejecie. (…) Nie budu pakul kazać lišniaha», — zajaviŭ jon.
Pry hetym, pavodle jaho słoŭ, miechanizm nie praduhledžvaje pradastaŭleńnia biełaruskamu boku novych kredytaŭ abo mižbiudžetnych tranśfieraŭ.
Minsk vioŭ pieramovy z Maskvoj ab kampiensacyi strat z-za padatkovaha manieŭru ŭ naftavaj halinie Rasii z 2018 hoda.
Ciapier čytajuć
«Biełarusy dastatkova mudryja, kab čakać». Sieviaryniec vystupiŭ u Vilni3
Kamientary