Paŭsiudnaje ŭviadzieńnie treciaj dozy vakcyny BioNTech/Pfizer ludziam, starejšym za 16 hadoŭ, nie apraŭdana, ličyć ekśpiertnaja kamisija pry ŭpraŭleńni pa sanitarnym nahladzie za jakaściu charčovych praduktaŭ i miedykamientaŭ ZŠA.
Treciuju (bustarnuju) dozu vakcyny Comirnaty, raspracavanaj niamieckaj kampanijaj BioNTech i amierykanskaj karparacyjaj Pfizer, rekamiendujecca ŭvodzić tolki ludziam va ŭzroście ad 65 hadoŭ, a taksama tym, chto maje vysokuju ryzyku ciažkaha ciačeńnia COVID-19.
Da takoj vysnovy pryjšła ekśpiertnaja kamisija pry Ŭpraŭleńni pa sanitarnamu nahladzie za jakaściu charčovych praduktaŭ i miedykamientaŭ ZŠA (FDA), piša Deutsche Welle.
U toj ža čas ekśpierty paśla niekalkich hadzin abmierkavańnia adchilili pieršapačatkovuju prapanovu ab paŭsiudnym uviadzieńni treciaj dozy asobam va ŭzroście 16 hadoŭ i starejšym, jaka była vysunutaja raspracoŭščykami vakcyny i atrymała padtrymku administracyi prezidenta ZŠA Džo Bajdena.
Jany siarod inšaha pakazali na pabočnyja dziejańni, jakija bustarnaja doza moža vyklikać u maładych ludziej.
U siaredzinie lipienia vytvorcy mRNK-vakcyn BioNTech/Pfizer pryjšli da vysnovy, što achoŭny efiekt stvoranych imi preparataŭ praz šeść miesiacaŭ paśla druhoj pryščepki pačynaje źnižacca. I tady spatrebicca treciaja doza — asabliva dla ludziej z sasłablenaj imunnaj sistemaj.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ9
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary