Karpiankoŭ: Pad vyhladam viartańnia nielehalnych mihrantaŭ jany zakidvajuć da nas patencyjnych terarystaŭ
Kamandujučy ŭnutranymi vojskami Mikałaj Karpiankoŭ parazvažaŭ u efiry STB ab mihracyjnym kryzisie na miežach Biełarusi.
Pa jaho słovach, meta — destabilizavać abstanoŭku ŭ Biełarusi.
«I jany sprabujuć pad vyhladam nibyta, skažam tak, viartańnia da nas mihrantaŭ, što nielehalna trapili da ich, zakidvać da nas terarystaŭ siudy i ekstremistaŭ. Pa ŭsioj Zachodniaj Jeŭropie źbirajuć i ihiłaŭcaŭ, usich tych, chto ŭ ich siadzieŭ u śledčych izalatarach i pad śledstvam byŭ, zakinuć siudy, u Respubliku Biełaruś, dla taho kab destabilizavać abstanoŭku. Tam i trupy, tam i zabityja, tam i skalečanyja. Biednyja žančyny, biednyja dzieci — znoŭ ža, jak zaŭsiody, chavajučysia za imi, zakidvajuć nam siudy patencyjnych dyviersantaŭ, kankretna pahražajučy nam adtul zbrojaj. I nataŭskija vojski, i voś hety kryzis na miažy, i ich tam prysutnaść — viadoma, u peŭnych, asobnych admarozkach-zmaharach dzieści jany svajoj prysutnaściu vyklikajuć niejkuju ŭpeŭnienaść», — skazaŭ Karpiankoŭ.
Pa słovach Karpiankova, mihranty, jakich viartajuć — «patencyjnyja terarysty i ekstremisty».
«My ich raspranajem, ahladajem, kab nie było vidać vidavočnych niejkich ranieńniaŭ, prykmiet taho, što toj ci inšy mihrant udzielničaŭ u bajavych dziejańniach, stralaŭ z aŭtamata, tamu što zastajucca peŭnyja ślady na ciele».
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary