Cieła novanarodžanaha chłopčyka znajšli 18 lipienia ŭ śmiećcievym kantejniery kala doma №1 ŭ pieršym mikrarajonie miastečka Čyść (Maładziečanski r‑n).
Pavodle papiarednich źviestak, chłopčyk naradziŭsia miortvym.
Pa słovach pamočnika prakurora rajona Vadzima Biarozkina, niemaŭlatka ŭ kantejniery znajšoŭ bomž. Na miesca zdareńnia vyjazdžali prakuror rajona Robiert Zubairaŭ i načalnik rajadździeła milicyi Jury Fiedarenka.
Pamočnik načalnika rajadździeła milicyi Jaŭhien Bierkutaŭ paviedamiŭ, što, zhodna z papiaredniaj miedycynskaj sudovaj ekśpiertyzaj, dzicia naradziłasia miortvym. Pryznačanaja bolš składanaja ekśpiertyza, jakaja dazvolić ustanavić kančatkovuju pryčynu śmierci.
Prakuratura pravodzić pravierku pa fakcie zdareńnia, milicyja šukaje maci pamierłaha chłopčyka.
Kamientary