Dziela Kupałaŭskaha daviałosia dajechać «až da Bierlina». U Hiermanii kupałaŭcy pakazali «Vojceka»
U Bierlinie na fiestyvali Radar Ost z anšłaham adbyłasia premjera śpiektakla znakamitych biełaruskich «kupałaŭcaŭ», piša DW.
Mnohija biełarusy ŭpieršyniu za hod zmahli trapić na śpiektakl taho samaha, sapraŭdnaha Kupałaŭskaha teatra, akciory jakoha byli ŭ avanhardzie biełaruskich akcyj pratestu, padniali nad budynkam bieł-čyrvona-bieły ściah i masava zvolnilisia paśla skasavańnia kantraktu z dyrektaram teatra Paŭłam Łatuškam, jaki padtrymaŭ apazicyju ŭ žniŭni 2020-ha.
U Biełarusi dla ich zaraz faktyčna abvieščany zabarona na prafiesiju. Pierad pačatkam śpiektakla biełarusy — hości fiestyvalu žartavali, što dziela Kupałaŭskaha im daviałosia dajechać «až da Bierlina».
Praŭda, mnohija z hledačoŭ i sami apynulisia ŭ Bierlinie nie pa svajoj voli. Siarod ich byli i tyja, kamu pahražaje kryminalny pieraśled u Biełarusi ci chto pazbaŭleny mahčymaści zajmacca svajoj prafiesijaj: naprykład, žurnalisty likvidavanych vydańniaŭ, advakaty, pazbaŭlenyja licenzii. Adnak niamała ŭ pierapoŭnienaj zale niamieckaha teatra taksama było niamiecka- i anhłamoŭnaj publiki.
Śpiektakl «Vojcek» u Bierlinie ŭpieršyniu byŭ pakazany ŭžyvuju: premjera adbyłasia jašče hod tamu — u internecie. Paśla zvalnieńnia z teatra niezaležnaja trupa kupałaŭcaŭ časam vystupaje za miažoj i paśpiachova asvojvaje internet i novyja farmaty. Tak, pastavili pjesu Janki Kupały «Tutejšyja» prama ŭ YouTube, dzie jana nabrała bolš za 300 tysiač prahladaŭ.
Režysior Raman Padalaka ŭ intervju DW taksama raspavioŭ pra toje, jak žyviecca teatru ŭ vyhnańni.
Pavodle jaho słoŭ, ab paŭnavartasnym teatry za miažoj pakul kazać nie prychodzicca. «My ciapier isnujem usio-tki ŭ ramkach prajektnaj dziejnaści. Pa roznych pryčynach rełakacyja niemahčymaja. Dy i nam hetaha pakul nichto nie prapanuje», — skazaŭ režysior. Sa słoŭ Padalaki, mnohija ź niezaležnych kupałaŭcaŭ znachodziacca ŭ Biełarusi, niekatoryja vyjechali za miažu, adzinaha miesca dla repietycyj teatra ciapier niama.
Arhanizavać pracu ŭ takich umovach vielmi składana, ale novyja prajekty rychtujucca, jość płany na vystupleńni ŭ Polščy, Ukrainie.
«Ale hałoŭnaja naša meta — pracavać dla biełarusaŭ, zachoŭvać našu identyčnaść», — adznačaje biełaruski režysior.
Pa jaho słovach, syhrać śpiektakl u samoj Biełarusi ciapier niemahčyma.
Čytajcie taksama: «Ja ŭziaŭ kamieru i apynuŭsia pad ścienami Akreścina». Režysior Andrej Kuciła źniaŭ novy film pra biełarusaŭ, dzie kožny znojdzie siabie
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 2026
Kamientary