Raźbiaruć pa cahlincy. Vyrašany los staražytnaha kaścioła ŭ Ziembinie
U krasaviku ŭ Ziembinie ŭ Barysaŭskim rajonie abvaliłasia bakavaja ściana chrama Uźniasieńnia Panny Maryi. Heta apošni abjekt epochi baroka, pabudavany na terytoryi Biełarusi. «Minskaja praŭda» daviedałasia, što budzie dalej.
Trasa na Biahoml kala ruin kaścioła Uźniasieńnia Panny Maryi ŭ ahraharadku Ziembin Barysaŭskaha rajona pa-raniejšamu začynienaja. Kala chrama ŭstalavali vysoki płot i arhanizavali abjezd pa susiedniaj vulicy. Jakich-niebudź rabot pa likvidacyi nadzvyčajnaha zdareńnia karespandent nie zaŭvažyŭ. Ci buduć niejkija adnaŭlenčyja raboty pravodzicca na miescy abrušeńnia, raspaviali ŭ miascovym vykankamie.
‒ Było praviedzienaje abśledavańnie techničnaha stanu i ekspłuatacyjnaj prydatnaści kanstrukcyi historyka-kulturnaj kaštoŭnaści 2-j katehoryi «Ruiny byłoha daminikanskaha kaścioła» ŭ ahraharadku Ziembin. Zhodna ź im isnuje realnaja pahroza abvalvańnia frantona. Rekamiendujecca demantavać franton da ŭzroŭniu karniza, papiarednie demantavaŭšy skulpturu Panny Maryi, ‒ raspaviała hałoŭny śpiecyjalist adździeła ideałahičnaj pracy, kultury i pa spravach moładzi Barysaŭskaha rajvykankama Ina Sajčyk.
Pa słovach śpiecyjalistki, raźbirać kamienny mur buduć uručnuju, pa cahlincy.
Ciapier Barysaŭski rajvykankam raspracoŭvaje prahramu pieršačarhovych supraćavaryjnych rabot dla zabieśpiačeńnia maksimalna mahčymaj zachavanaści abjekta. Usiu hetuju praceduru budzie supravadžać navukovy kiraŭnik, jakoha ciapier i padbirajuć.
Chram Uźniasieńnia Panny Maryi ŭ Ziembinie sa skulpturaj Božaj Maci na frantonie, jakaja cudam zachavałasia, — adzin z apošnich abjektaŭ baroka, pabudavanych na terytoryi Biełarusi. Śpiecyjalisty ličać, što budynak byŭ uźviedzieny ordenam daminikancaŭ na pačatku XVII stahodździa. Pieršapačatkova pabudova była draŭlanaj, i ŭ joj žyli daminikanskija manachi. Na pačatku XVIII stahodździa chram zhareŭ, paśla čaho jaho pabudavali ŭžo cahlanym.
Kaścioł praciahvaŭ dziejničać da 1932 hoda, jaho zakryli savieckija ŭłady. Z taho času katalicki chram pustavaŭ i razburaŭsia.
U 2010 hodzie barysaŭskija ŭłady chacieli źnieści ruiny kaścioła, ale vałanciory praduchilili heta.
-
Sankcyi i vajna. Uładalnica cłonimskaj sinahohi admoviłasia ad jaje rekanstrukcyi, dziela jakoj pradała minskuju kvateru
-
Viartajuć histaryčny vyhlad — za Varotami Minska prybirajuć niazhrabnyja kijoski
-
Biełaruskaja kastynh-dyrektarka: Jość puł nievynosnych ludziej, jakich kličuć na zdymki ŭ apošniuju čarhu
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary