«Kožny ŭ śviecie pavinien heta zrabić». 90-hadovy akcior lehiendarnaha sieryjała pra kosmas staŭ najstarejšym astranaŭtam u śviecie
Jon adpraviŭsia ŭ kosmas na rakiecie pryvatnaj kampanii.
Uiljam Šetnier — suśvietna viadomy akcior, vykanaŭca roli kapitana Džejmsa Kirka ŭ sieryjale 60-ch hadoŭ «Zorny šlach» («Startrek»). Asnoŭnaja tema sieryjała — vyvučeńnie i asvajeńnie kosmasu kamandaj ziamlan u 23 stahodździ.
Z «Zornaha šlachu» pačałasia lehiendarnaja adnajmiennaja epapieja, u jakoj Šetnier taksama pryniaŭ aktyŭny ŭdzieł — jon źniaŭsia ŭ siami mastackich filmach franšyzy «Zorny šlach» i napisaŭ niekalki knih.
Ciapier Šetnieru 90 hadoŭ, i jon narešcie apynuŭsia ŭ realnym kosmasie. Bolš za toje, z 13 kastryčnika akcior — samy stary čałaviek, što byvaŭ u pazaziamnoj prastory. Svajo padarožža jon ździejśniŭ razam z tryma inšymi astranaŭtami na rakiecie New Shepard pryvatnaj kampanii Blue Origin, piša Daily Mail.
Padarožža doŭžyłasia 10 chvilin 17 siekund, i 3 chviliny ź ich astranaŭty praviali ŭ biazvažkaści. Miescy ŭ rakiecie razam z Šetnieram zaniali były inžynier NASA i zasnavalnik kampanii Space Labs Krys Bašujzien, zasnavalnik kampanii Medidata Solutions Hlen de Vrys i pradstaŭnik Blue Origin Odry Paŭers.
Paśla palotu Šetnier nie moh strymać emocyi. Akcior dzialiŭsia pieražyvańniami pra ŭraźlivaść Ziamli i adnosnuju tonkaść jaje atmaśfiery, śćviardžaŭ, što «kožny ŭ śviecie pavinien heta zrabić», to-bok źlatać u kosmas.
Časam pačynajučy płakać, Šetnier skazaŭ Džefu Biezasu, kiraŭniku kampanii Blue Origin:
«Ja nastolki pierapoŭnieny emocyjami praz toje, što zaraz adbyłosia. Spadziajusia, ja nikoli nie pryjdu ŭ siabie ad hetaha».
Krys Bašujzien, inšy pasažyr rakiety, raspavioŭ, jak heta — lacieć u kaśmičnaj rakiecie razam sa znakamitym kapitanam Kirkam: «Dla stolkich ludziej va ŭsim śviecie «Zorny šlach» uvasablaje budučyniu, na jakuju my možam spadziavacca, mirnuju budučyniu dla čałaviectva, i ja nie mahu pradstavić lepšaha pravadnika hetaj idei, čym spadar Šetnier. Heta pryvodzić u absalutnaje zachapleńnie».
500 dalaraŭ za terminał i dastupnaść navat u sielskich rehijonach. Čym cikavy internet ad Iłana Maska
Kitaj žadaje raźmiaścić na arbicie soniečnyja batarei, kab pieradavać enierhiju na Ziamlu
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary