Biełaruś pryznali parušalnikami Orchuskaj kanviencyi, što zajmajecca pytańniami navakolnaha asiarodździa
Padčas pasiadžeńnia ŭ Ženievie ŭdzielniki sustrečy pryznali, što prymusovaja likvidacyja praz sud hramadskaha abjadnańnia «Ekadom» źjaŭlajecca pieraśledam i pryhniotam NDA. Heta pieršaje ŭ historyi Orchuskaj kanviencyi rašeńnie pa Biełarusi.
Rašeńnie nie tolki pryznaje likvidacyju arhanizacyi parušeńniem kanviencyi, ale i praduhledžvaje prypynieńnie dla Biełarusi pravoŭ i pryvilejaŭ pa kanviencyi, kali kraina nie raspačnie kroki dla adnaŭleńnia rehistracyi Ekadoma da 1 śniežnia 2021 hoda.
Prypynieńnie ŭstupić u siłu z 1 lutaha 2022 hoda.
Za rašeńnie prahałasavali: 27 krain ES, a taksama Hruzija, Isłandyja, Čarnahoryja, Narviehija, Šviejcaryja, Sierbija, Vialikabrytanija.
Suprać — Kazachstan, Kyrhyzstan, Armienija i Biełaruś.
Ustrymałasia Małdova.
Ahułam 34 krainy z 39 padtrymali hetaje rašeńnie i zaklikali Biełaruś admianić rašeńnie ab likvidacyi Ekadoma.
Paśla vybaraŭ 2020 hoda ŭ Biełarusi adbyŭsia razhrom hramadskaha siektara, likvidavanyja kala 150 hramadskich arhanizacyjaŭ.
Kamientary